Remata o curso e tamén o Reto Lector Biblioleiras 2026. O alumnado gañador recibiu un diploma que acredita que completaron satisfactoriamente os retos lectores de cada mes, un vale de 30 euros para gastar na libraría Trama e outros agasallos que esperamos difruten. Parabéns a Iker, Lucía, Mario, Claudia e Adrián pola súa constancia lectora ao longo deste curso!
Estamos rematando o curso e xa apetecía disfrutar dun día de convivencia, xogos e lecturas compartidas entre o noso alumnado de 1º de BAC e os nenos de 6º de infantil do CEIP de Casás. O noso xardín convertíuse un ano máis nun espazo moi especial onde os padriños e madriñas foron moi agarimosos cos seus invitados e acompañáronos no mundo da fantasía duns contos que nos faciliou a Biblioteca Pública de Lugo.
Xa estamos rematando os nosos retos lectores mensuales deste curso. En Maio, mes de celebración das letras galegas, o reto consiste en ler ler un libro en galego. Ao igual que todos os meses, tedes na biblioteca á vosa disposición unha exposición temática da que podedes levar un exemplar para seguir o reto. Hai libros de todos os xéneros e para todas as idades e intereses. Recordade que tamén podedes ler un libro que teñades na casa, prestado...
.png)
.png)
Neste mes de abril estamos a celebrar un tempo moi especial para a lectura xa que empezamos o novo reto lector adicado ao teatro e a nosa exposición sobre a mesma temática, na cal se poden ver moitos programas deste xénero literario que a nosa compañeira do equipo de biblioteca Ana Dopazo foi gardando ao longo dunha vida de paixón polo teatro.
Asi mesmo expoñemos as bases do concurso organizado polo departamento de Lingua Castelá polo Día do Libro que consiste en crear unha portada creativa dun libro.
Como de costume, recomendámosvos lecturas para estas datas e propoñemos o Reto lector de abril: ler un libro de ttro.
.png)
Con motivo da celebración do Día Mundial da Poesía, Biblioleiras organizou unha exposición de libros de poesía co obxectivo de achegar o alumnado a este xénero literario e espertar o interese pola lectura e a creación poética.
A mostra reuniu obras de autores clásicos e contemporáneos, ofrecendo ao alumnado a oportunidade de descubrir diferentes estilos, temáticas e formas de expresión. Durante varios días, a comunidade educativa puido visitar a exposición e explorar unha coidada selección de libros que puxo en valor a riqueza e a diversidade da poesía.
Ademais, a actividade contou coa participación da Maleta Viaxeira, unha iniciativa que fomenta o intercambio e o goce da lectura. A maleta, cargada de libros e recursos literarios, converteuse nun punto de encontro para compartir recomendacións, descubrir novas lecturas e gozar da literatura máis aló das aulas.
Cada 8 de
marzo celebramos o Día Internacional da Muller, unha data para
recoñecer a contribución das mulleres á sociedade, á cultura, á
ciencia e ao coñecemento. Este ano, desde a nosa biblioteca queremos
render homenaxe a Agatha Christie coincidindo co 50 aniversario da
súa morte, unha das escritoras máis influentes da historia da
literatura.
Nada en 1890 en Torquay (Inglaterra), Agatha Christie
converteuse na autora de novela policial máis lida do mundo. As súas
obras foron traducidas a máis de cen idiomas e continúan fascinando
a lectores e lectoras de todas as idades.
Na Biblioleiras fixemos
unha exposición informacional para dar visibilidade a esta muller
pioneira.
O Parlamento de Galicia aprobou declarar o 2026 como Ano Oteriano, coincidindo co cincuenta aniversario do pasamento de Ramón Otero Pedrayo (1888– 1976).
Coñecido como o «Patriarca das Letras Galegas», no texto da declaración
defínese como unha “figura esencial das letras, do pensamento e da
identidade galega contemporánea” e como “un dos piares do florecemento
cultural e intelectual de Galicia, representante dunha xeración que
soubo vincular o galeguismo coa defensa da cultura universal e co
compromiso coa nosa terra”.
Na biblioteca queremos fomentar o coñecemento da súa vida e obra expoñendo información e os fondos que temos sobre este recoñecido autor.
Temos que seguir lembrando que existe unha violencia contra a muller, o cal debe facernos reflexionar como sociedade, porque evidencia que aínda quedan moitas desigualdades por superar. Neste camiño, a educación continúa a ser unha das ferramentas máis eficaces para concienciar, sensibilizar e promover valores de respecto, igualdade e convivencia.
Por este motivo, os rapaces e rapazas de 3º da ESO de Valores Éticos e o alumnado de 2º curso de Proxecto Competencial “construíron” un muro contra a violencia de xénero na porta da biblioteca. Cada “ladrillo” deste muro recolle un desexo, unha reflexión ou unha mensaxe a favor da igualdade e do respecto entre homes e mulleres.
De maneira simbólica, este muro representa a unión de toda a comunidade educativa fronte á violencia de xénero e o compromiso colectivo de derrubar os prexuízos, o machismo e calquera forma de discriminación. Ao mesmo tempo, cada palabra escrita convértese nun pequeno paso cara á construción dunha sociedade máis xusta, máis libre e máis igualitaria.
Esta iniciativa sitúase na entrada da biblioteca, un espazo que representa unha parte fundamental na transmisión destes valores e no fomento da reflexión, do pensamento crítico e da convivencia. Porque educar en igualdade é tamén educar para a liberdade, para o respecto e para a dignidade de todas as persoas, construíndo entre todos e todas unha sociedade máis xusta e máis humana.
A exposición na biblioteca dos traballos das alumnas e alumnos de 1º de bacharelato sobre filósofas do pasado e do presente, reflexa a importancia da súa contribución xa que recoñecer o seu legado é tamén educar nunha visión máis xusta e completa da Historia do Pensamento.
Expuxemos os libros da maleta viaxeira de Filosofía que temos este mes na Biblioleiras, que ten exemplares para todas as idades e intereses.
