POESÍA, POESÍA

Con motivo da celebración do Día Mundial da Poesía, Biblioleiras organizou unha exposición de libros de poesía co obxectivo de achegar o alumnado a este xénero literario e espertar o interese pola lectura e a creación poética.

A mostra reuniu obras de autores clásicos e contemporáneos, ofrecendo ao alumnado a oportunidade de descubrir diferentes estilos, temáticas e formas de expresión. Durante varios días, a comunidade educativa puido visitar a exposición e explorar unha coidada selección de libros que puxo en valor a riqueza e a diversidade da poesía.

Ademais, a actividade contou coa participación da Maleta Viaxeira, unha iniciativa que fomenta o intercambio e o goce da lectura. A maleta, cargada de libros e recursos literarios, converteuse nun punto de encontro para compartir recomendacións, descubrir novas lecturas e gozar da literatura máis aló das aulas.

        

Entrega de premios Letras Galegas 2022: concurso de Narrativa e Poesía e de Deseño de Ex-Libris

 

 

 

Durante o recreo, entregáronse na Biblioleiras, os premios de poesía e de narrativa do certame que o EDLG e o Departamento de Lingua Galega convocou este curso, así como os premios dos deseños de Ex-Libris.

Moitos parabéns aos gañadores e gañadoras!

Rosalía en caligramas

RosaLÍa en caLIgramas

Xa se achega o día de celebración das nosas LETRAS e  as alumnas e alumnos de 1º e 2º de ESO elaboraron uns inxeniosos caligramas con poemas de Rosalía.

Aquí podedes ver unha selección 

 

O Club de lectura no cemiterio de San Froilán

Alumnado  pertencente ó Club de Lectura participou  no acto  dedicado a A NAI. Organizado polo Concello de Lugo no cemiterio da cidade, alumnos e alumnas do IES Leiras Pulpeiro recitaron poemas de Cabanillas e  Darío Xohán Cabana entre outros. A soprano Paloma Suances púxolle música ao acto.

Un feixe de poesía na porta

A alumna do noso centro Inma Alonso Rodríguez de 2º de BAC vén de participar na publicación do libro colectivo de poesía UN FEIXE DE POESÍA NA PORTA.

Parabéns para Inma.

Inma Alonso e Un feixe de poesía na porta on PhotoPeach

Poemas de Leiras desde o Leiras

No centenario da morte de Leiras Pulpeiro

Artigo publicado no nº 10 da revista Lerias do Leiras sobre o escritor que lle dá nome ao noso centro

Regalamos poesía

"A poesía é unha das expresións máis elevadas da lingua e a cultura. É a liberdade absoluta do verbo e a creación, elemento constitutivo da identidade e tamén, a miúdo, ingrediente da construción da nosa identidade persoal, como a música, a danza ou as artes plásticas."

Mensaxe da Sra. Irina Bokova, Directora Xeral da UNESCO,con motivo do Día Mundial da Poesía, 21 de marzo de 2012.

Ilustración de Pedro Seromenho

Coincidindo co equinocio de primavera, o mércores 21 de marzo celébrase o Día Mundial da Poesía. Como a poesía é, por excelencia, a linguaxe do amor e dos sentimentos, a biblioteca do Leiras Pulpeiro renderá homenaxe á palabra poética regalando impresións destes poemas amorosos.

Homenaxe a Rosalía

O AELG anímanos a difundir a obra de Rosalía, cando se cumpren 175 anos do nacemento dunha das figuras máis emblemáticas do Rexurdimento da literatura galega decimonónica.

No noso centro, para conmemorar este aniversario, o venres 24 de febreiro, durante o recreo, desenvolvéronse as seguintes actividades:

• 
  
  Breve presentación da escritora homenaxeada e lectura na biblioteca, duns poemas rosalianos en galego e un lieder en castelán, por parte do profesorado e do alumnado na biblioteca. Ao terminar xurdiu un pequeno debate sobre a sorprendente actualidade dos poemas lidos e destacouse o innegable mérito que supón o publicar a obra poética naquela época, na que a muller tiña un papel moi pouco relevante na sociedade.


• 
  
  Exposición de todas as edicións das diferentes obras de Rosalía, CDs coa súa poesía musicada, biografías e estudos críticos que forman parte dos fondos bibliográficos da nosa biblioteca.


• 
  
  No corredor central, audición de poemas de Rosalía musicados.

E velaí os textos utilizados e as fotos do acto:

Open publication - Free publishing - More news

Poemas matemáticos

Os números, a xeometría e outros compoñentes matemáticos vólvense poesía na seguinte selección de poemas.

23 de abril, Día do Libro

Como todos os anos desde 1995, cada 23 de abril celebramos o Día Mundial do Libro e os Dereitos de Autor.

A UNESCO, co obxectivo de fomentar a lectura, elixiu esta data en recordo do falecemento de dous grandes figuras da Literatura Universal, Miguel de Cervantes e William Shakespeare.

Para conmemorar este ano o Día do Libro, o poeta lalinense Carlos Negro agasallou ás Bibliotecas Escolares de Galicia o poema titulado "O lugar de lectura". Con el a Consellería de Educación editou este práctico marcapáxinas.(Dobrar en sentido lonxitudinal)

Unha illa de luz na xema dos dedos.

Unha porta sempre entreaberta.

Unha duna cara ao vento.

Unha nube sobre a herba.

Unha casa encantada.

Unha laranxa do paraíso.

Unha pousada no inferno.

Unha man e unha fouce.

Unha bufanda colorada.

Unha alfombra no ceo.

A pulga e o xigante.

A rosa e o cravo.

A serpe e a mazá.

A fonte e o cervo.

A flor de candea.

A fenda do espello.

A lúa na boca.

A tona do tempo.

A pedra e o canto.

A voz e o silencio.

O lugar da lectura.

Carlos Negro

Un libro aberto é un cerebro que fala; pechado, un amigo que espera; esquecido, un alma que perdoa; destruído, un corazón que chora.

Proverbio hindú