LIBROS A ESCEA!

                    

  Neste mes de abril estamos a celebrar un tempo moi especial para a lectura xa que empezamos o novo reto lector adicado ao teatro e a nosa exposición sobre a mesma temática, na cal se poden ver moitos programas deste xénero literario que a nosa compañeira do equipo de biblioteca Ana Dopazo foi gardando ao longo  dunha vida de paixón polo teatro.

Asi mesmo expoñemos as bases do concurso organizado polo departamento de Lingua Castelá polo Día do Libro que consiste en crear unha portada creativa dun libro. 

Como de costume, recomendámosvos lecturas para estas datas e propoñemos o Reto lector de abril: ler un libro de ttro.

Presentámosvos 10 libros interesantes xunto a unhas pequenas reseñas:

 

 

               TERRORÍFICAS LECTURAS

Na Biblioleiras temos lecturas ben terroríficas que de cando en vez expoñemos para os lectores con menos medo a pasar un bo rato. Para que o ambiente acompañe, decoramos a biblioteca para tan arrepiante ocasión e abrimos as súas portas a intrépidos lectores e lectoras.

                                  

 

 

              

                                     LECTURAS DE VERÁN

                      

Xa chegou o final de curso e non podedes irvos sen levar algún "compañeiro" que vos divirta, ensine, vos faga  coñecer outros mundos...referímonos obviamente a un libro. Tedes unha serie de recomendacións á entrada da biblioteca que esperamos que vos sirvan.

FELIZ VERÁN!!!!!

 

AMADRIÑA UN LECTOR / APADRIÑA UNHA LECTORA 2023

Non hai cousa que nos faga máis ilusión, chegado o mes de xuño, que recibir aos nenos de 6º infantil do CEIP Casás para celebrar o Amadriña un lector. 

O alumnado de 1º de BAC estaba impaciente, como cada ano desde 2011.

Este curso, a chuvia impediu que puidésemos realizar a actividade ao aire libre, no noso fermoso xardín dos contos; pero as ganas de celebrar esta xornada non diminuíron e reunímonos no ximnasio, no que houbo lecturas compartidas, xogos, sorteos, doces e moita diversión.

 Aquí tedes algunhas fotos, pero podedes ver unha reportaxe fotográfica máis completa no vídeo que tedes ao final desta entrada. Tamén podedes velo en YouTube:  Amadriña un lector 2023 (Biblioleiras)

Agradecementos especiais: ó profesorado colaborador, tanto do noso centro como do Casás;  á Biblioteca Provincial (Nodal) pola escolla e préstamo dos libros para esta actividade; e a Belén de cafetería por prepararnos as chuches e as augas. 

Mil grazas a tod@s!

LECTURAS FRESCAS PARA ESTE VERÁN

 

Nestes últimos días de curso, vide ver a nosa

 exposición de lecturas recomendadas para este verán.

 

 

Podedes levar un destes libros ou calquera outro que che apeteza ler durante as próximas vacacións.

 

Lectura de poemas de Florencio Delgado Gurriarán (Letras Galegas 2022)

 O pasado venres, fíxose unha lectura de diferentes poemas de Florencio Delgado Gurriarán, a quen se lle dedican a Letras Galegas este ano. 

Grazas a todos os participantes!

 

 

 

 

 

AXIÑA CHEGARÁ O "APADRIÑA UN LECTOR" 2022

  

O día 15 de xuño celebraremos, 

despois de dous cursos sen poder facelo,

 o APADRIÑA UN LECTOR

Os nenos de 5 anos (6º de infantil) do CEIP Casás virán para ser apadriñados e amadriñados polo noso alumnado de 

1º de BAC.  Nunha xornada de convivencia e boas lecturas tenderemos pontes entre os dous centros, como vén sendo tradicional desde 2011

APADRIÑA UN LECTOR 2019

    

        E aquí están, un ano máis, os nenos e nenas do último curso de infantil do CEIP Casás para celebrar connosco esta festa da lectura e da irmandade entre centros. 

         O noso alumnado de 1º de Bac e do Club de lectura exerceu de extraordinarios padriños e madriñas para estes pequenos afillados-lectores de 5 anos. 

 

Moitas grazas a todo o alumnado, profesorado e outras persoas implicadas neste proxecto que mellora ano tras ano.

 Ata o curso que vén !

 A continuación podedes ver unha reportaxe fotográfica de toda a actividade: desde a chegada dos nenos, os apadriñamentos, as lecturas compartidas, as confidencias, os xogos, o sorteo, o reparto de chuches... ata as despedidas.  Preme o play:

 PhotoPeach

Letras Galegas 2018

 

O 17 de maio, na biblioteca procedemos á 

 lectura de textos de

 María Victoria Moreno, 

homenaxeada no

 Día das Letras Galegas. 




Tamén podedes ver a exposición de libros que temos desta autora.

APADRIÑA UN LECTOR 2017

Para romper a fronteira entre a ensinaza primaria e a secundaria, outro curso máis, volvemos recibir con grande ledicia aos nenos e nenas de 5 anos (último curso de Infantil) do CEIP Casás, que viñeron coñecer aos seus padriños e madriñas: o noso alumnado de 1º de BAC e do Club de Lectura. 

 

 Esta é a mellor maneira de fomentar o gusto pola lectura: os maiores séntense responsables de transmitir algo valioso; os pequenos séntense importantes ao ver que os máis grandes lles dedican o seu tempo e len con eles e para eles; e todos aprendemos que o exemplo é o mellor xeito de contaxiar o amor polos libros. 


Para ver a reportaxe fotográfica completa da actividade preme no play da imaxe:
                  

Nunha xornada fermosísima, compartimos contos e lecturas, pero tamén complicidade, xogos e diversión. 

Moitas grazas á todos os colaboradores: profesorado e equipo da nosa biblioteca, Alfonso de cafetería,  dirección e profesorado do colexio de Casás, Biblioteca Nodal e, por suposto, os verdadeiros protagonistas: madriñas, padriños, afilladas e afillados. 

Ata o vindeiro ano e... os que veñan!

LECTURA PLURILINGÜE polo DÍA do LIBRO

     
    Conmemoramos o Día do Libro, 23 de abril, 

coa lectura de textos literarios en diversos idiomas: tanto das linguas que se imparten no noso centro como das linguas de orixe do noso alumnado.

Vivan os libros e a multicultura!

A continuación podedes ver aos vosos compañeiros en plena lectura 

(dálle ao play):
 

"APADRIÑA UN LECTOR" 2016

 

 Como cada mes de xuño desde hai xa seis anos, estamos encantados de tender esta ponte entre o noso centro e o CEIP Casás. Os nenos e nenas de 5 anos do colexio viñeron coñecer aos seus padriños e madriñas. 

O alumnado de 1º de BAC, xunto co do Club de lectura,  pasou unha mañá inesquecible en compaña dos seus afillados e afilladas: xuntos escoitaron "As tres porquiñas", os maiores léronlles contos aos pequenos no noso xardín máxico, fixéronse amigos, xogaron... e despedíronse ata o vindeiro ano.

Chegada ao xardín dos contos

Lecturas e confidencias

Xogos e diversión

 

Moitas grazas á Biblioteca Nodal pola súa colaboración e a todos os participantes!

 

Queredes ver todas as fotos? 

 Pois premede no "play":

Apadriña un lector 2016 from IES Leiras Pulpeiro on Vimeo.

DÍA DO LIBRO, 23 de abril

Os alumnos do Club de Lectura e algúns profesores fixeron unha lectura de textos de Eduardo Galeano. Deste xeito, rendémoslle homenaxe a este autor, recentemente falecido. 

Ademais, como todos os anos, expuxéronse nos paneis do corredor central, todos os  traballos presentados por alumnos e alumnas de diferentes cursos.

Por último,

debemos mencionar que o escritor galardonado co Premio Cervantes das Letras 2015 foi Juan Goytisolo.

 A continuación, podedes ver as reportaxes fotográficas completas:

1) Lectura- homenaxe a Galeano:



2) Traballos do Día do Libro: