luns, 11 de novembro de 2019

Mes da Ciencia en Galego

CONFERENCIA DO LUCENSE LUÍS LIZ MARZÁN: A Nanotecnoloxía no Ano Internacional da Táboa Periódica

O día 8 de novembro de 2019 os nosos alumnos/as asistiron á conferencia de Liz Marzán , no día da Ciencia en Galego, como un dos homenaxeados neste día falando sobre nanotecnoloxía.

Breves Referencias da súa traxectoria profesional:
(Fonte: http://www.igaciencia.eu)
Acadou por segunda vez o elitista Advanced Grant, 2018. Cinco anos de investigación e máis de 2,4 millóns de euros para intentar descifrar algo máis sobre esta enfermidade "tan devastadora que todos sabemos, o cancro". https://www.lavozdegalicia.es/noticia/sociedad/2018/04/07/liz-marzan-primer-gallego-logra-segunda-vez-elitista-advanced-grant/0003_201804G7P30993.htm#

Premio Nacional de Química 2018, pola súa contribución aos campos da química coloidal, actividade que estudia os nanomateriais para a curación do cancro. https://www.eitb.eus/es/noticias/sociedad/videos/detalle/6041620/video-premio-nacional-quimica-luis-liz-marzan/
https://www.ciberisciii.es/noticias/luis-liz-marzan-nuevo-premio-nacional-de-investigacion

Premio Rey Jaime I á investigación Básica, 2015. http://www.fprj.es/es/investigacion-basica/luis-liz-marzan

Académico da Real Academia de Ciencias Exactas, Físicas e Naturais. http://www.rac.es/2/2_ficha.php?id=970&idN3=6&idN4=50

Director científico do CICbiomaGUNE, Centro de investigación cooperativa en biomateriais, de Donostia. http://personal.cicbiomagune.com/llizmarzan/Luis.html

Membro da Academia Europaea, entidade dedicada á promoción das ciencias e as humanidades, foi elixido ademais doutros méritos mediante a proposta doutros académicos entre os que figuran máis de 40 premios Nobel. https://www.ae-info.org/ae/Member/Liz-Marz%C3%A1n_Luis

Recoñecemento como galego destacado incluído no portal Galegos http://galegos.galiciadigital.com/es/luis-manuel-liz-marzan
Poderiamos continuar e continuar…

A lista de honras e premios supera os 22 e o mesmo podemos dicir das súas numerosas publicacións, máis de 400, e das máis de 350 conferencias. Mesmo é co-inventor de 8 patentes… Claro que un dos seus méritos é o de nacer en Lugo e… presumir diso.

sábado, 18 de marzo de 2017

DÍA DE ROSALÍA con Alonso Montero

Xesús Alonso Montero

Para celebrar o Día de Rosalía (24 de febreiro), o Departamento de Lingua galega e Literatura organizou a visita de don Xesús Alonso Montero, presidente da Real Academia Galega e especialista na obra de Rosalía de Castro.


O salón de actos estaba abarrotado

Neste acto, que tivemos o privilexio e honra de presenciar no noso instituto o pasado día 23, o profesor ofreceu unha maxistral conferencia sobre a autora para o alumnado de 1º e 2º de BAC nun salón de actos completamente cheo e ante unha atentísima audiencia, que o escoitaba con verdadeiro interese e admiración.

Máis información e reportaxe completa na lapela superior É un falar ou neste enlace do blog do EDLG

martes, 12 de abril de 2016

MANUEL RIVAS visita o Leiras Pulpeiro

O pasado 7 de abril, tivemos a honra de contar coa visita de MANUEL RIVAS.

Este narrador, poeta, ensaísta, xornalista, ecoloxista, libertario, galeguista... agasallounos coa súa presenza e as súas palabras.

Falou para o alumnado de BAC (e algúns outros cursos) nunha inesquecible charla sobre a vida e a morte, a historia e a guerra, o amor e a natureza, a ética e a literatura, o compromiso e a lingua, entre outros moitos temas de interese, nos que ía expoñendo as súas propias vivencias e sentimentos.

Respondeu ás preguntas do alumnado que con tanto interese o escoitara. E, finalmente, cunha infinita paciencia, asinou e dedicou, cun debuxo personalizado, un a un, todos os libros dos alumnos e profesores que lle levamos algún exemplar das súas obras.