APADRIÑA UN LECTOR 2019

    

        E aquí están, un ano máis, os nenos e nenas do último curso de infantil do CEIP Casás para celebrar connosco esta festa da lectura e da irmandade entre centros. 

         O noso alumnado de 1º de Bac e do Club de lectura exerceu de extraordinarios padriños e madriñas para estes pequenos afillados-lectores de 5 anos. 

 

Moitas grazas a todo o alumnado, profesorado e outras persoas implicadas neste proxecto que mellora ano tras ano.

 Ata o curso que vén !

 A continuación podedes ver unha reportaxe fotográfica de toda a actividade: desde a chegada dos nenos, os apadriñamentos, as lecturas compartidas, as confidencias, os xogos, o sorteo, o reparto de chuches... ata as despedidas.  Preme o play:

 PhotoPeach

Visita do alumnado de 6º de EP do Menéndez Pelayo

         O día 28 de maio, como colaboración por 3º ano consecutivo entre a biblioteca do CEIP Menéndez Pelayo e a nosa, organizamos unha visita do alumnado de 6º de primaria dese centro ao Leiras Pulpeiro, futuro instituto de moitos deles.

       En primeiro lugar, visitaron a biblioteca; despois fixeron un percorrido polo noso centro para coñecer diferentes dependencias.
 

        Finalmente, os rapaces e rapazas foron ao Salón de actos para realizar un divertido e didáctico obradoiro de cómics, impartido polo profesor Suso Coucheiro.

 

 

  

 

 

 Moitas grazas e ata o ano que vén!!

APADRIÑA UN LECTOR 2018

 

Que alegría volver recibir aos nenos e nenas de últimos curso de Infantil (5 anos) do CEIP Casás!

Os padriños e madriñas, alumnado de 1º de BAC e do Club de Lectura, estaban ansiosos por que chegara este día e encontrarse cos seus afillados e afilladas.

Este ano, o tempo atmosférico impediu que puideramos celebralo no noso Xardín dos Contos porque estaba a herba mollada, pero como non choveu, pasámolo estupendamente no Patio dos Contos.

Outro día de encontros, de estreitar lazos, de lecturas compartidas, de xogos e confidencias, de emocións e carreiras, de sorteos e sorpresas e, finalmente, despedida con chuches para os nosos convidados.

 

En nome de todo o equipo da Biblioleiras, quero darvos as GRAZAS: moitas grazas á dirección e profesorado do Casás, moitas grazas á Biblioteca Nodal pola súa incondicional e impagable colaboración, moitas grazas a Alfonso da cafetería, moitas grazas aos profes que actuaron de fotógrafos (Susana e Suso)... E, por suposto, moitas grazas ao noso alumnado que con entusiasmo  fai posible cada curso a celebración deste marabilloso evento.

                                                                                       Ana Dopazo

Queredes ver todas as fotos? Pois premede no play da seguinte fotomontaxe: 

                                               

O Menéndez Pelayo visita o Leiras (22-05-2018)

 

O día 22 de maio, como colaboración por 2º ano entre a bilioteca do CEIP Menéndez Pelayo e a nosa, organizamos unha visita do alumnado de 6º de primaria dese centro ao Leiras Pulpeiro, futuro instituto de moitos deles.

 En primeiro lugar, visitaron a biblioteca; despois fixeron un percorrido polo noso centro para coñecer diferentes dependencias: aulas, laboratorio de ciencias, talleres de tecnoloxía, aula de música... 

Finalmente, os rapaces e rapazas foron ao Salón de actos para realizar un divertido e didáctico obradoiro de cómics, impartido polo profesor Suso Coucheiro, que este ano contou cunha colaboradora especial: Einés Herráez, alumna de 4ºeso, gran coñecedora e afeccionada ao mundo  MANGA e ANIME, sobre o que lles falou aos nosos visitantes. 

 

 

Moitas grazas e ata o ano que vén!!

 Queredes ver todas as fotos? Pois premede no play:

O  Menéndez Pelayo visita o Leiras Pulpeiro (22 de maio de 2018) on PhotoPeach

Visita ao CEIP Menéndez Pelayo (19-03-2018)

Un grupo de alumnos de 1º de ESO visitou á Exposición de material escolar antigo (2ª metade do século XX) no CEIP Menéndez Pelayo.

Invitados pola Biblioteca do colexio, actuou como anfitrión o director do mesmo, explicándonos a procedencia, uso e características de cada obxecto exposto. 

Pasámolo estupendamente, ao tempo que descubrimos e/ou lembramos aparellos, libros, utensilios... que forman parte do pasado, non tan lonxano, da nosa historia escolar. 

A continuación podedes ver a reportaxe fotográfica completa da visita:

Visita ao CEIP Menéndez Pelayo                          Exposición material escolar antigo   19-03-2018 on PhotoPeach

APADRIÑA UN LECTOR 2017

Para romper a fronteira entre a ensinaza primaria e a secundaria, outro curso máis, volvemos recibir con grande ledicia aos nenos e nenas de 5 anos (último curso de Infantil) do CEIP Casás, que viñeron coñecer aos seus padriños e madriñas: o noso alumnado de 1º de BAC e do Club de Lectura. 

 

 Esta é a mellor maneira de fomentar o gusto pola lectura: os maiores séntense responsables de transmitir algo valioso; os pequenos séntense importantes ao ver que os máis grandes lles dedican o seu tempo e len con eles e para eles; e todos aprendemos que o exemplo é o mellor xeito de contaxiar o amor polos libros. 


Para ver a reportaxe fotográfica completa da actividade preme no play da imaxe:
                  

Nunha xornada fermosísima, compartimos contos e lecturas, pero tamén complicidade, xogos e diversión. 

Moitas grazas á todos os colaboradores: profesorado e equipo da nosa biblioteca, Alfonso de cafetería,  dirección e profesorado do colexio de Casás, Biblioteca Nodal e, por suposto, os verdadeiros protagonistas: madriñas, padriños, afilladas e afillados. 

Ata o vindeiro ano e... os que veñan!

Taller de cómics do CEIP MENÉNDEZ PELAYO no IES Leiras Pulpeiro

O pasado venres, 28 de abril, como colaboración entre a bilioteca do CEIP Menéndez Pelayo e a nosa, organizamos unha visita do alumnado de 6º de primaria dese centro ao Leiras.

Os rapaces e rapazas viñeron para realizar un obradoiro de cómics, impartido polo profesor Suso Coucheiro.

1º visitaron a biblioteca, despois desenvolveuse o obradoiro, que rematou cun sorteo entre todos os participantes, e, finalmente, fixeron un pequeno "tour" polas nosas instalacións: laboratorio, aulas...

Agardamos que esta iniciativa se repita nos anos vindeiros porque... que ben o pasamos!!

A continuación pódese ver a reportaxe fotográfica cos mellores momentos da xornada: 

 

"APADRIÑA UN LECTOR" 2016

 

 Como cada mes de xuño desde hai xa seis anos, estamos encantados de tender esta ponte entre o noso centro e o CEIP Casás. Os nenos e nenas de 5 anos do colexio viñeron coñecer aos seus padriños e madriñas. 

O alumnado de 1º de BAC, xunto co do Club de lectura,  pasou unha mañá inesquecible en compaña dos seus afillados e afilladas: xuntos escoitaron "As tres porquiñas", os maiores léronlles contos aos pequenos no noso xardín máxico, fixéronse amigos, xogaron... e despedíronse ata o vindeiro ano.

Chegada ao xardín dos contos

Lecturas e confidencias

Xogos e diversión

 

Moitas grazas á Biblioteca Nodal pola súa colaboración e a todos os participantes!

 

Queredes ver todas as fotos? 

 Pois premede no "play":

Apadriña un lector 2016 from IES Leiras Pulpeiro on Vimeo.

APADRIÑA UN LECTOR 2015

    

    Un ano máis, chegado xuño, o noso alumnado de 1º BAC e do Club de lectura apadriñaron aos futuros lectores do CEIP de Casás. 

     Os nenos e nenas de cinco anos deste cole viñeron encantados para pasar un día inesquecible: escoitaron atentos o conto Os tres porquiños, coñeceron ós seus padriños e madriñas e foron con eles ata o noso xardín máxico, onde compartiron preciosas historias e xogaron todos xuntos.

   Finalmente, houbo "chuches" para adozar a despedida.

  

Grazas a todos e a todas por participar nesta fermosa actividade, e deica o ano que vén.

 A continuación, podedes ver a reportaxe fotográfica completa: