DÍA DA MULLER: MULLERES PIONEIRAS: AGATHA CHRISTIE

Cada 8 de marzo celebramos o Día Internacional da Muller, unha data para recoñecer a contribución das mulleres á sociedade, á cultura, á ciencia e ao coñecemento. Este ano, desde a nosa biblioteca queremos render homenaxe a Agatha Christie coincidindo co 50 aniversario da súa morte, unha das escritoras máis influentes da historia da literatura.
Nada en 1890 en Torquay (Inglaterra), Agatha Christie converteuse na autora de novela policial máis lida do mundo. As súas obras foron traducidas a máis de cen idiomas e continúan fascinando a lectores e lectoras de todas as idades.
Na Biblioleiras fixemos unha exposición informacional para dar visibilidade a esta muller pioneira.

                                 

                 MURO CONTRA A VIOLENCIA DE XÉNERO

Temos que seguir lembrando que existe unha violencia contra a muller, o cal debe facernos reflexionar como sociedade, porque evidencia que aínda quedan moitas desigualdades por superar. Neste camiño, a educación continúa a ser unha das ferramentas máis eficaces para concienciar, sensibilizar e promover valores de respecto, igualdade e convivencia.

Por este motivo, os rapaces e rapazas de 3º da ESO de Valores Éticos e o alumnado de 2º curso de Proxecto Competencial “construíron” un muro contra a violencia de xénero na porta da biblioteca. Cada “ladrillo” deste muro recolle un desexo, unha reflexión ou unha mensaxe a favor da igualdade e do respecto entre homes e mulleres. 

De maneira simbólica, este muro representa a unión de toda a comunidade educativa fronte á violencia de xénero e o compromiso colectivo de derrubar os prexuízos, o machismo e calquera forma de discriminación. Ao mesmo tempo, cada palabra escrita convértese nun pequeno paso cara á construción dunha sociedade máis xusta, máis libre e máis igualitaria. 

Esta iniciativa sitúase na entrada da biblioteca, un espazo que representa unha parte fundamental na transmisión destes valores e no fomento da reflexión, do pensamento crítico e da convivencia. Porque educar en igualdade é tamén educar para a liberdade, para o respecto e para a dignidade de todas as persoas, construíndo entre todos e todas unha sociedade máis xusta e máis humana.

                     DÍA DAS ESCRITORAS   

Este ano o Día das Escritoras celébrase o 12 de octubre e na Biblioleiras queremos homenaxear a todas esas escritoras que contribúen a transmitir coñecementos, historias, entretemento e imaxinación. 

                                 

DONAS DE SI - curso 2018-2019

Rematamos o Plan Proxecta "DONAS DE SI"

O programa "Donas de si", baixo a coordinación da profesora Eva Teijeiro, tiña como obxectivo principal a visibilización e posta en valor da participación e produción das mulleres como pezas fundamentais na configuración e no desenvolvemento da sociedade galega contemporánea, de xeito que se recoñeza o seu papel político, social, artístico, científico e cultural e se supere a visión tradicional que presenta as súas achegas como puramente anecdóticas ou secundarias. 

A actividade foi co que se integra no Plan Proxecta e que se desenvolveu entre outubro e maio baixo o nome "PERSONAXE DA SEMANA", consistiu en descubrir o nome dunha persoa destacada nalgún ámbito da cultura a partir das pistas que se ían facilitando sobre ela ao longo de cada semana.

 
Podíase participar individualmente ou por equipos. En conserxería había modelos para cubrir coa información correspondente e tamén alí estivo depositada a caixa de recollida semanal. O obxectivo era identificar o maior número posible de personaxes.


 
 
A alumna que máis personaxes identificou e, polo tanto, gañadora do concurso foi: Patricia Barreiro de 2º BAC.

He aquí un recopilatorio de todos os personaxes, fundamentalmente femininos, que tiñan que descubrir semana a semana: escritoras, matemáticas, activistas, eruditas, deportistas, investigadoras, artistas, mariñeiras, cantantes, científicas, educadoras, debuxantes, actrices, relixiosas, informáticas, oceanógrafas, coidadoras, cosmonautas, aviadoras, musicólogas, periodistas... E, por suposto, todas e todos son feministas.

Concepción Arenal (escritora...)

María Wonenburger (matemática...)

Rosa Parks (activista)

Frei Benito Feijoo (erudito...)

Kathrine Switzer (deportista...)

Jane Goodall (antropóloga...)

Camille Claudel (escultora)

Isabel de Barreto (navegante)

Billie Holiday (cantante)

Maitena Burundarena (ilustradora...)

Antía Cal (educadora...)

Malala (activista e Premio Nobel)

Emma Watson (actriz...)

Antonio Fraguas, Forges (debuxante...)

Teresa de Calcuta (relixiosa...)

Ada Lovelace (informática...)

Margarita Salas (científica)

Premios "María Wonenburger" de 2007 a 2018: Inmaculada Paz, Teresa Miraz, Soledad Soengas, Carmen Navarro, Ofelia Rey, M.Tarsy Carballas, Mª José Alonso, Carmen García, Isabel Aguirre, Peregrina Quintela, Begoña Vila, Alicia Estévez (científicas)

María Casares (actriz)

Ángela Ruiz Robles (educadora...)

Emilia Pardo Bazán (escritora)

Ángeles Vilariño (oceanógrafa)

Valentina Tereshkova (astronauta)

Amelia Earhart (aviadora)

Chus Lago (alpinista)

Dorothé Schubarth (musicóloga)

Philippa York (ciclista...)

Isabel Zendal (enfermeira...)

Grazas a todos os participantes!!