LECTURAS COMPARTIDAS NA FEIRA DE   NADAL

Durante a Feira de Nadal do IES Leiras Pulpeiro, na Biblioleiras compartíronse lecturas en galego, castelán, inglés e francés entre o alumnado que participou no concurso Conto de Nadal, organizado

por Biblioleiras. Antes da lectura en público, os alumnos e alumnas tiñan que atopar unha serie de libros

agochados na biblioteca seguindo  unhas pistas, relativas á CDU, que lles proporcionamos. Unha vez atopados, debían ler uns fragmento ó resto de alumnado presente. Os leiros, moeda de uso interno no noso centro, eran a recompensa, esgotáronse todos. Esa era a nosa intención!

               

      RETOS LECTORES BIBLIOLEIRAS.                RETO LECTOR DE XANEIRO

Este curso Biblioleiras organiza un Reto Lector para fomentar o voso gusto pola lectura.

Recolle na biblioteca o teu pasaporte lector, escolle e le  un libro que encaixe no reto de cada mes, cubre o teu pasaporte e acércate á biblio para poñerlle o selo. Se completas todos os retos conseguirás un agasallo.

 

 

 

 

O primeiro Reto Lector será ler un libro que inspirara unha película. Tes moitos de mostra na exposición da biblioteca e tamén podes ler un que ti teñas ou que che prestaran. 

 

 

                 MURO CONTRA A VIOLENCIA DE XÉNERO

Temos que seguir lembrando que existe unha violencia contra a muller, o cal debe facernos reflexionar como sociedade, porque evidencia que aínda quedan moitas desigualdades por superar. Neste camiño, a educación continúa a ser unha das ferramentas máis eficaces para concienciar, sensibilizar e promover valores de respecto, igualdade e convivencia.

Por este motivo, os rapaces e rapazas de 3º da ESO de Valores Éticos e o alumnado de 2º curso de Proxecto Competencial “construíron” un muro contra a violencia de xénero na porta da biblioteca. Cada “ladrillo” deste muro recolle un desexo, unha reflexión ou unha mensaxe a favor da igualdade e do respecto entre homes e mulleres. 

De maneira simbólica, este muro representa a unión de toda a comunidade educativa fronte á violencia de xénero e o compromiso colectivo de derrubar os prexuízos, o machismo e calquera forma de discriminación. Ao mesmo tempo, cada palabra escrita convértese nun pequeno paso cara á construción dunha sociedade máis xusta, máis libre e máis igualitaria. 

Esta iniciativa sitúase na entrada da biblioteca, un espazo que representa unha parte fundamental na transmisión destes valores e no fomento da reflexión, do pensamento crítico e da convivencia. Porque educar en igualdade é tamén educar para a liberdade, para o respecto e para a dignidade de todas as persoas, construíndo entre todos e todas unha sociedade máis xusta e máis humana.

                  PENSAMENTO FEMININO

Neste ano 2026, o 19 de novembro temos cita coa Filosofía, esa amiga do saber que como materia de bacharelato, intenta que os rapaces e rapazas non esquezan a importancia do pensamento crítico, tan necesario nun mundo moi conectado en canto a redes sociais pero tamén moi desconectado no que repecta a cuestionar, analizar e razonar antes de aceptar unha idea como verdadeira.

Non se trata só de estudar autores ou teorías, senón de adquirir a capacidade de facerse preguntas, dubidar, reflexionar e comprender mellor o mundo que nos rodea. 

Mais falar de Filosofía tamén implica recuperar e reivindicar a voz de tantas mulleres pensadoras que ao longo da historia quedaron silenciadas ou relegadas a un segundo plano. Desde Hipatia de Alexandría ata filósofas como Hannah Arendt ou Simone de Beauvoir, as mulleres contribuíron de maneira decisiva á reflexión filosófica, abrindo camiños cara á igualdade, á liberdade e á defensa do pensamento crítico.

A exposición na biblioteca dos traballos das alumnas e alumnos de 1º de bacharelato sobre filósofas do pasado e do presente, reflexa a importancia da súa contribución xa que recoñecer o seu legado é tamén educar nunha visión máis xusta e completa da Historia do Pensamento.

Expuxemos os libros da maleta viaxeira de Filosofía que temos este mes na Biblioleiras, que ten exemplares para todas as idades e intereses.

               TERRORÍFICAS LECTURAS

Na Biblioleiras temos lecturas ben terroríficas que de cando en vez expoñemos para os lectores con menos medo a pasar un bo rato. Para que o ambiente acompañe, decoramos a biblioteca para tan arrepiante ocasión e abrimos as súas portas a intrépidos lectores e lectoras.

                                  

 

 

              

                     DÍA DAS ESCRITORAS   

Este ano o Día das Escritoras celébrase o 12 de octubre e na Biblioleiras queremos homenaxear a todas esas escritoras que contribúen a transmitir coñecementos, historias, entretemento e imaxinación. 

                                 

 

FORMACIÓN DE NOVOS USUARIOS DA BIBLIOLEIRAS

Como todos os cursos, o  objectivo principal de estas sesións foi facilitar a incorporación dos novos usuarios da biblioleiras, de 1º da ESO, dunha maneira cercana, práctica e entretida, permitindo que todos os participantes puideran familiarizarse coas ferramentas e procesos que permiten o uso da biblioteca de forma sinxela e efectiva.

Un dos momentos máis destacados da formación foron os xogos e retos organizados durante a sesión. Os participantes tiveron que resolver diferentes probas relacionadas co coñecemento da CDU, coa localización de libros de distintas materias nos andeis da nosa biblioteca ou coas normas que deben seguir para un bo uso.

Como recoñocemento ao esforzo e á atención prestada, ao finalizar a formación  entregáronse distintos premios aos usuarios que destacaron nas actividades e retos realizados.

 

 

 

              RECORDÁMOSCHE QUE TAMÉN                            PODES LER EN DIXITAL

 

           

                      

             APADRIÑA/AMADRIÑA UN LECTOR/LECTORA

Para finalizar o curso cun sabor doce e moi lector, celebramos un ano máis a nosa actividade favorita cos nenos de 6º de infantil do colexio de Casás e os seus padriños e madriñas  lectoras, o alumnado de 1º de bacharelato. Este ano tivemos que estar no ximnasio xa que a choiva quería acompañarnos. Aínda así tivemos unha tregua na que puidemos disfrutar do noso xardín onde as lecturas e os xogos estiveron moi presentes.

A xuntanza foi moi  tenra e enriquecedora, e o alumnado de 1º de bacharelato demostrou unha gran  empatía e bo facer cos seus pequenos invitados, que souperon escoitar con curiosidade as lecturas e disfrutaron moito cos seus padriños e madriñas.

 

 

 

 

 

 

                                     LECTURAS DE VERÁN

                      

Xa chegou o final de curso e non podedes irvos sen levar algún "compañeiro" que vos divirta, ensine, vos faga  coñecer outros mundos...referímonos obviamente a un libro. Tedes unha serie de recomendacións á entrada da biblioteca que esperamos que vos sirvan.

FELIZ VERÁN!!!!!

 

                     LIBROS E TEA

Neste Día do Libro 2025  aproveitamos para informar sobre o TEA (transtorno sobre o espectro autista), do cal oímos falar pero sabemos menos do que debéramos. Agradecemos á Biblioteca pública Nodal por facilitarnos libros moi interesantes sobre o tema, e tamén libros adaptados  para que disfruten os alumnos da aula Tea do noso centro, que a parte da lectura tamén colorearon marcapáxinas e fixeron outras actividades  lúdicas.

Marcapáxinas 

                       LETRAS GALEGAS

 

A Real Academia Galega dedica o 2025 o Día das Letras Galegas ao cancioneiro popular galego. Nesta candidatura están incluídas as cantareiras Adolfina e Rosa Casás Rama (Cerceda), Eva Castiñeira (Muxía), Prudencia e Asunción Garrido Ameijende e mais Manuela Lema Villar. "A lingua galega continuou viva e vizosa durante séculos, malia as prohibicións e a súa desaparición do espazo oficial, porque o pobo galego a custodiou. En particular as mulleres preservaron a lingua e crearon anonimamente unha poesía popular transmitida nas cantigas das avoas ás netas, das nais ás fillas, dunhas veciñas a outras", salienta a proposta aprobada.

 Coa nosa exposición adicada ás cantareiras mostramos os fondos da nosa biblioteca sobre esta temática  e tamén a información sobre estas mulleres que levaron a cabo unha importante labor na transmisión da  cultura galega.

 

                                          

 

 

 

 

 

 

                     A MULLER NA LITERATURA

Mulleres na literatura ao longo da Historia houbo moitas, aínda que a maioría delas non se coñezan. Para que iso non suceda, os  alumnos e alumnas  de 1º de BAC, de Literatura Universal, coordinados pola nosa compañeira Inma Gayoso, fixeron un traballo de investigación sobre mulleres silenciadas que se pode disfrutar na exposición da biblioteca co gallo do Día da Muller.

 

                               DÍA DE ROSALÍA

Lembramos o nacemento de Rosalía de Castro cada 23 de febreiro, data de nacemento da escritora, poeta e referente absoluto da cultura galega. A súa obra está custodiada na nosa biblioteca polo orixinal debuxo da nosa compañeira Belén Martín

                       

                   

 COÑECENDO OS DEREITOS HUMANOS

O alumnado de 2º de ESO da materia de Proyecto Competencial está a traballar sobre os dereitos que todos temos por natureza, os Dereitos Humanos.

Coñecendo os Dereitos Humanos é o resultado da investigación sobre cada un dos trinta artigos que compoñen a Declaración Universal dos Dereitos Humanos (DUDH) adoptada pola ONU en 1948. Por grupos, o alumnado reflexou coa técnica de"pensamentos en imaxes" os artigos destos dereitos fundamentais.

Na exposición na nosa biblioteca podedes ver o resultado dos seus traballos e tamén unha mostra dos fondos sobre esta temática (lecturas para a Paz) que require hoxe máis que nunca da nosa atención e reflexión.

De todos os traballos, o equipo da Biblioteca escolleu os que mellor reflexan o contido do artigo dos Dereitos Humanos ao que se refiren e de aí sairon os gañadores do concurso "Coñecendo os nosos Dereitos".

Gañadoras do concurso "Coñecendo os Dereitos Humanos"

                     

 

ANO CASTELAO

A Real Academia Galega dedicou o Día das Letras Galegas do ano 1964 a Castelao. É de destacar que  mentres el viviu no desterro non declarou vacante a súa cadeira, o cal é  unha maneira de recoñecer o seu legado e a súa trascendencia literaria. Setenta e cinco anos despois do seu pasamento en Buenos Aires o seu recordo  segue vivo e así o pon de manifesto que este ano se declarara Ano Castelao.