FORMACIÓN DE NOVOS USUARIOS 

No mes de outubro, os máis pequenos do noso centro aprenderon como funciona a nosa biblioteca; onde  están colocados os libros por materias, como buscar un libro segundo a CDU e cantos días poden ter un libro en préstamo, entre outras cousas. Tamén  estiveron moi atentos ás normas da Biblioleiras. 

Xogando a "buscar o libro perdido" foron aprendendo a atopar libros de distintas materias.

 

Lipdub do IES Fontem Albei da Fonsagrada

O Equipo de Dinamización da Biblioteca do IES Fontem Albei da Fonsagrada acaba de facer o seu primeiro lipdub. A dramatización da canción "The Final countdown" de Europe é a excusa para realizar unha actividade de formación de usuarios co obxectivo de formar aos lectores no manexo da CDU (Clasificación Decimal Universal), o sistema para clasificar os libros dunha biblioteca por materias. Este código asocia un número e un color a cada materia.

http://

Sen dúbida, pasárono xenial. Pero tamén tiveron que traballar moito para conseguir este resultado. Noraboa compañeiros.

Formación de usuarios biblioleirantes

Deixo aquí algunha das fotos da actividade de formación de usuarios que realizou o alumnado de 1º de ESO esta semana na biblioteca.
Os obxectivos desta actividade eran os seguintes:

1. Coñecer o espazo bibliotecario, as normas de funcionamento e os servizos que proporciona



2. Aprender como se organizan os documentos mediante a CDU



3. Aprender a buscar e localizar os documentos

Todos os alumnos e alumnas recibiron un caderno con información e actividades e mergulláronse no apaixoante mundo dos libros e da biblioteca.