Entroido 2023 na Biblioleiras

 

 

Visita a nosa exposición e disfruta do Entroido tamén a través dos libros e publicacións da nosa biblioteca. 

 

 

 

 

 

 

 

 

 

 

 

Xaneiro: mes de Castelao

 

 

 

 

Este mes conmemoramos o nacemento e mailo pasamento dun dos nosos autores máis grandes: Daniel Rodríguez Castelao.

 

 

 

 Dedicámoslle na Biblioleiras unha exposición con debuxos e libros dos nosos fondos, que están á disposición de toda a comunidade educativa.

 

 

 

 

Podedes ver e gozar do seu xigantesco labor como narrador, debuxante, ensaísta..., así como libros doutros autores que estudaron a súa obra.

Non vola perdades!

20 anos do Desastre do Prestige: "OS LIBROS SON A MEMORIA" (exposición)

 

   Na Biblioleiras non quixemos deixar pasar a ocasión de lembrar a traxedia do Prestige de hai 20 anos. 

Dado que a memoria das persoas é fráxil e limitada, podemos atopar documentos, libros, revistas, fotografías, música... que axudan a lembrar o que non debe ser esquecido para que non se repita NUNCA MÁIS.

 

 

Os libros son a memoria:

Hai algúns anos, os suficientes para que moitos o esqueceran, un barco cheo de petróleo navegaba preto das nosas costas. Un barco como tantos otros dos que todos os días pasan por aquí, cargados con substancias que tanto codiciamos para manter o noso nivel de progreso, pero que ninguén querería ter a carón da súa casa polo risco que supón.

O barco, chamado Prestige, ¿lembrades?, tivo un accidente e despois de que as autoridades incompetentes o paseasen dun lado para outro por diferentes puntos do Alántico, acabou escachando pola metade.

Verteu miles e miles de toneladas do cru que levaba nas súas bodegas de cargae, aínda que non morreu ningunha persoa, comezou a traxedia.

O mar tornouse negro en centos de quilómetros, e aquel veleno foi causando cada vez máis vítimas inocentes: os peixes, as plantas, as aves, as rochas, as illas, as praias, os pescadores…; mesmo houbo quen morreu de tristura porque o mar era a súa alma, o seu amor.

Milleiros de persoas voluntarias de todo o mundo chegaron para paliar os efectos da marea negra.

 

 Hai vinte anos que sucedeu e, para que non esquezamos esta e otras historias, os libros lémbrannos as datas, lugares, feitos e protagonistas que, lamentablemente, tendemos a borrar da nosa memoria.