LECTURAS FRESCAS PARA ESTE VERÁN

 

Nestes últimos días de curso, vide ver a nosa

 exposición de lecturas recomendadas para este verán.

 

 

Podedes levar un destes libros ou calquera outro que che apeteza ler durante as próximas vacacións.

 

Volve o "BIBLIOAMIGO"

   BIBLIOAMIGO

      Lembrades que o ano pasado propuxémosvos  “o recomendador invisible”?  A idea era que  lle propuxerades un libro,  para ler no Nadal, ao compañeiro que vos tocase en sorte. 

     Este ano repetimos experiencia, pero coa diferenza de que só entrarán no “sorteo” aqueles profes e profas que manifesten o seu desexo de participar, recomendando e recibindo un libro a/dunha compañeira ou compañeiro (por suposto, secretos). 

     A tal fin, anotádevos na  lista que abriremos na sala de profes antes da ponte de decembro (día 5). Á volta da mesma, efectuarase o sorteo, e despois xa podedes coller emprestado o libro da Biblioteca do centro e deixarllo no casilleiro á persoa correspondente.

     Despois das vacacións de Nadal, cada un deixará no seu propio casilleiro o libro lido, e o seu “biblioamigo” secreto encargarase de recollelo e devolvelo na Biblioteca.

     Tamén podedes facer un comentario sobre a lectura proposta neste Blog.

Grazas e… boa lectura