Makinaria e Penúltimas tendencias no Club de lectura

Como remate das actividades do club de lectura  do curso 15-16 lemos dous poemarios de Carlos Negro “Makinaria” e “Penúltimas tendencias” de Carlos Negro. Os lectores e as lectoras seleccionamos o poema NO WAY para posteriormente recitar e gravar o recitado. Rematamos o curso cunha actividade diferente que resultou moi divertida.

.

23 de abril, Día do Libro

Como todos os anos desde 1995, cada 23 de abril celebramos o Día Mundial do Libro e os Dereitos de Autor.

A UNESCO, co obxectivo de fomentar a lectura, elixiu esta data en recordo do falecemento de dous grandes figuras da Literatura Universal, Miguel de Cervantes e William Shakespeare.

Para conmemorar este ano o Día do Libro, o poeta lalinense Carlos Negro agasallou ás Bibliotecas Escolares de Galicia o poema titulado "O lugar de lectura". Con el a Consellería de Educación editou este práctico marcapáxinas.(Dobrar en sentido lonxitudinal)

Unha illa de luz na xema dos dedos.

Unha porta sempre entreaberta.

Unha duna cara ao vento.

Unha nube sobre a herba.

Unha casa encantada.

Unha laranxa do paraíso.

Unha pousada no inferno.

Unha man e unha fouce.

Unha bufanda colorada.

Unha alfombra no ceo.

A pulga e o xigante.

A rosa e o cravo.

A serpe e a mazá.

A fonte e o cervo.

A flor de candea.

A fenda do espello.

A lúa na boca.

A tona do tempo.

A pedra e o canto.

A voz e o silencio.

O lugar da lectura.

Carlos Negro

Un libro aberto é un cerebro que fala; pechado, un amigo que espera; esquecido, un alma que perdoa; destruído, un corazón que chora.

Proverbio hindú