domingo, 29 de novembro de 2015

NEIRA VILAS, IN MEMORIAM (27-11-2015)

Deixounos o grande Xosé Neiras Vilas
 RIP

Aínda temos na nosa memoria a súa visita ao Leiras de hai só uns meses. 
Nós queriamos agradecerlle o envío de varios libros asinados e dedicados para a nosa Biblioteca e el, dunha forma xenerosa e a pesar da súa delicada saúde, accedeu a visitarnos e honrarnos coa súa presenza.
Así, o día 16 de abril deste mesmo ano, ofreceunos unha maxistral conferencia sobre a súa vida, obra e compromiso coa cultura e a lingua de Galicia. 
Os rapaces, que enchían o salón de actos, non esquecerán o privilexio de estar ante un grande das nosas letras.

Podedes ver a reportaxe fotográfica daquela visita na páxina Web do IES Leiras Pulpeiro
ou aquí:


Poesía e Música CONTRA A VIOLENCIA DE XÉNERO (25 de novembro)




O pasado mércores, 
25 de novembro, organizamos unha serie de actividades 
para unir as nosas voces no        DÍA INTERNACIONAL CONTRA A VIOLENCIA DE XÉNERO:




1) Recital de poemas compostos polo  alumnado de 4º ESO. A continuación, podedes ler algún dos poemas recitados polos vosos compañeiros no Salón de actos do Instituto:


2) Paralizadas as clases ás 12:00, todo o alumnado e profesorado do centro reuniuse no pavillón para desenvolver un acto de repulsa contra a violencia machista, que consitiu nun manifesto e lectura de poemas,  acompañados de música en directo interpretada por unha alumnna do centro e, finalmente, un minuto de silencio

Estes actos tan emotivos foron recollidos nunha reportaxe fotográfica que podedes ver na páxina Web do IES Leiras Pulpeiro (preme aquí)

sábado, 7 de novembro de 2015

Concurso "A NOSA BIBLIOTECA"


1º P. de poesía
1º P. de narrativa
Para conmemorar o
 Día das Biliotecas
  (24 de outubro) convocamos un concurso no que podiades presentar textos en prosa ou en verso nos que explicásedes    
que significa para vós a biblioteca do Leiras
2º P. de  poesía
2º P. de  narrativa


A participación foi un éxito, 
e os resultados máis. 





3º P. ex aequo de poesía
3º P. ex aequo de narrativa

Aquí tedes algunhas fotos da entrega de premios e un ISSU  para ler os textos premiados.


Moitas grazas a todos e noraboa aos gañadores.
Premio accésit de poesía
Premio narrativa BAC




                                                             
Textos premiados no concurso A NOSA BIBLIOTECA:




sábado, 17 de outubro de 2015

NOVIDADES BIBLIOLEIRAS 2015-16

Benvidos a todos e a todas a un novo curso con BIBLIOLEIRAS.


Iniciamos esta andaina cunha EXPOSICIÓN dos novos libros adquiridos a finais do curso pasado e principios deste: El diario de Greg 9, A noite que Wendy aprendeu a voar, El umbral de la eternidad, O clan da loba, Caza mayor, A casa de Mango Street, La vida secreta de Rebecca Paradise, A Odisea contada aos nenos e moitos máis xa están á vosa disposición.


Agardamos que veñades a vela e disfrutedes coa lectura destas novidades, pero tamén de todos os nosos "vellos" libros.

xoves, 18 de xuño de 2015

APADRIÑA UN LECTOR 2015

    
    Un ano máis, chegado xuño, o noso alumnado de 1º BAC e do Club de lectura apadriñaron aos futuros lectores do CEIP de Casás. 
     Os nenos e nenas de cinco anos deste cole viñeron encantados para pasar un día inesquecible: escoitaron atentos o conto Os tres porquiños, coñeceron ós seus padriños e madriñas e foron con eles ata o noso xardín máxico, onde compartiron preciosas historias e xogaron todos xuntos.
   Finalmente, houbo "chuches" para adozar a despedida.


  


Grazas a todos e a todas por participar nesta fermosa actividade, e deica o ano que vén.




 A continuación, podedes ver a reportaxe fotográfica completa:
                                



sábado, 30 de maio de 2015

Despedida do CLUB DE LECTURA

Está rematando o curso e o club  LECTURAS LEIRANTES  tivo a súa despedida.

          Lembremos que este ano lemos catro libros, polo que superamos as espectativas previstas de reunirnos unha vez por trimestre. Foron varias tardes de encontros, postas en común e intercambio de opinións sobre as lecturas propostas. Ademais, tamén hai que contar os moitos recreos que lle adicamos a facer pequenas reunións para repartir os libros, acordar datas de reunión...

 



          A primeira reunión foi o 24 de outubro, para constituír o club e que os leirantes veteranos apadriñasen aos novos lectores.






          A rateira de Agatha Christie foi a primeira obra proposta, sobre a que charlamos o 27 de novembro. Foi divertido tratar de averiguar quen era o asasino. E ata houbo premio para quen o adiviñou.

               O 29 de xaneiro falamos do segundo libro: O curioso incidente do can a medianoite de Mark Haddon. Unha visión sorprendente do mundo a través dun protagonista moi especial.

           En marzo, reunímonos o día 27 para falar de Engurras de Paco Roca, un relato gráfico que nos emocionou a todos. 

 
  
                  Finalmente, o día 7 de maio, falamos de La lección de August de R.J. Palacio, cun personaxe principal que nos demostrou que o aspecto externo das persoas non é o importante.

Nesta última ocasión, a sesión incluíu un chocolate con churros.


       
         
   Ademais, como fin de festa, o día 14 de maio fomos todos á Deputación a ver a versión teatral que Cándido Pazó representou da obra Memorias dun neno labrego de Neira Vilas.

    




 Moitas grazas 
a todas e a todos,
e ata o curso que vén!


xoves, 7 de maio de 2015

DAVID PINTOR visita o Leiras



     O pasado xoves, 30 de abril, recibimos a visita do artista 

David Pintor

(de Pinto & Chinto)

Este debuxante, ilustrador, caricaturista, humorista gráfico, pintor…, multipremiado e que ten máis de 50 obras publicadas, ofreceu unha amena e interesante charla para os nosos alumnos de 3ºeso e 4ºpdc. 

Velaquí tedes unha mostra do evento:


venres, 24 de abril de 2015

DÍA DO LIBRO, 23 de abril



Os alumnos do Club de Lectura e algúns profesores fixeron unha lectura de textos de Eduardo Galeano. Deste xeito, rendémoslle homenaxe a este autor, recentemente falecido. 



Ademais, como todos os anos, expuxéronse nos paneis do corredor central, todos os  traballos presentados por alumnos e alumnas de diferentes cursos.





Por último,
debemos mencionar que o escritor galardonado co Premio Cervantes das Letras 2015 foi Juan Goytisolo.



 A continuación, podedes ver as reportaxes fotográficas completas:

1) Lectura- homenaxe a Galeano:



2) Traballos do Día do Libro

mércores, 22 de abril de 2015

Saúdos para Biblioleiras


No IES Leiras Pulpeiro temos a sorte de coñecer a autores e autoras moi representativos da nosa literatura. Moitos deles deixáronnos as súas mensaxes escritas ou faladas para toda a comunidade educativa.

Inauguramos unha nova páxina fixa no blog, chamada "Falan para nós", á que podedes acceder dende a ligazón do menú superior.

Libros dedicados polas súas autoras e autores:

Os autores falan ao IES Leiras Pulpeiro:


Xosé Neira Vilas (abril 2015)


Manuel Rivas (abril 2015)


David Pintor (abril 2015)


Luis Davila (abril 2015)

E dedícannos os seus libros en vivo e en directo:


O humorista gráfico Luis Davila dedícanos "O Bichero" para Biblioleiras
Abril 2015




O ilustrador David Pintor debuxa unhas dedicatorias para Biblioleiras
Abril 2015


martes, 7 de abril de 2015

TEATRO na Biblioteca do LEIRAS PULPEIRO




Día Mundial
do
 Teatro
O 27 de marzo celebramos este día cunha representación teatral da obra                    Así foi, doutor de Suso de Toro para o alumnado de 3º e 4º.
Participaron os seguintes alumnos de 4º de ESO:
- Presentación: Camila Beltrán
- Dirección: Samuel Marte
- Reparto: Alberto Marte e Borja Lamela
Representación no Día Mundial do Teatro 2015 on PhotoPeach
Para ver o vídeo da gravación, visita É un falar.

mércores, 25 de marzo de 2015

EXPOSICIÓN de LIBROS DEDICADOS polos seus AUTORES


PÁSATE POLA BIBLIOTECA PARA VER  
A NOSA EXPOSICIÓN


de 
LIBROS 
DEDICADOS 
e 
ASINADOS


  polos 
AUTORES/AS 
que 
VISITARON 
 

 
  o 
NOSO CENTRO:


Agustín Fernández Paz, Antonio Reigosa,  Anxo Fariña, Blanca Álvarez, Darío Xohán Cabana, Fernando Lalana, Fran Alonso, Joan Manuel Gisbert,  María Reimóndez, Marina Mayoral, Marica Campo, Paco Martín,  Xesús Alonso Montero...
 E temos unha sección especial adicada a Xosé Neira Vilas

Velaquí tedes unha mostra máis completa da exposición:
 Exposición de libros dedicados polas súas autoras e autores on PhotoPeach