Estamos de noraboa. Os alumnos de Bacharelato Carlos Amo Cordero, David Mateo Fouz, Alba García Miguelez e Miguel Rodríguez Carretero, coordinados por Juncal Martínez Modia, profesora de Lingua e Literatura Galegas, acadaron un ben merecido 4º posto na fase inicial da 3ª edición do Parlamento xove.
O primeiro encontro celebrouse o 25 de febreiro no hemiciclo da Deputación da Coruña. Os participantes tiveron que investigar, escribir e argumentar as súas ideas na rede sobre o tema proposto pola organización: A xuventude no contexto mundial actual cara un modelo máis participativo ou individualista?Os oito equipos finalistas reuniranse de novo o 17 de marzo no Parlamento de Galicia. Alí deberán demostrar a súa capacidade dialéctica nun debate que virará ao redor da seguinte pregunta: Actúa a xuventude na actualidade consonte aos seus valores en favor do coidado do medio ambiente?
Parabéns polo éxito acadado. O Equipo da Biblioteca deséxavos moitísima sorte na fase final e que gocedes desta experiencia inigualable.
Podedes seguir as novas sobre este tema nos sitios web do centro: a web oficial, o muro de Facebook, o de Google+ e o Twitter.
Ningún comentario:
Publicar un comentario