miércoles, 21 de junio de 2017

XUNTANZA CLUBS DE LECTURA 2017

Chegada ao Palacio de Congresos e Exposicións

Para finalizar o curso 2016-17, os lectores leirantes acudiron con Suso Coucheiro á Xuntanza de clubs de lectura que se celebrou o pasado 17 de xuño en Santiago de Compostela.

Quedadas entre clubs




Nun día calorosísimo, coñeceron outros clubes, compartiron experiencias e asistiron a charlas sobre a lectura... Tamén puideron presenciar a entrega do Premio dos Clubs de lectura a Miguelanxo Prado.





   Miguelanxo Prado:
premio dos Clubes 2017




A continuación podedes ver a reportaxe fotográfica completa (premede no play):
XUNTANZA DE           CLUBS DE LECTURA  -  Lecturas leirantes en Santiago (17-06-2017) on PhotoPeach

lunes, 12 de junio de 2017

Exposición "Impresionistas" no CEIP Menéndez Pelayo

Invitados pola bilioteca do CEIP Menéndez Pelayo, o día 9 de xuño, o noso alumnado de 3ºeso B e PMAR visitou este centro para ver unha magnífica exposición titulada
 "Impresionámonos co impresionistas"



 Guiados magnificamente por cinco alumnos do Menéndez, puidemos ver unha completa exposición ilustrativa sobre esta corrente pictórica, así como reproducións dalgunhas das obras dos autrores máis emblemáticos do Impresionismo feitas polos nenos e nenas de todos os cursos: desde 3 anos de Infantil ata 6º de Primaria. 




Que grandísimo traballo tanto do alumnado como do profesorado do colexio anfitrión. 

Parabéns!!




Aquí e agora podedes ver a reportaxe fotográfica completa da visita (premede no play da imaxe):
 

sábado, 10 de junio de 2017

APADRIÑA UN LECTOR 2017

Para romper a fronteira entre a ensinaza primaria e a secundaria, outro curso máis, volvemos recibir con grande ledicia aos nenos e nenas de 5 anos (último curso de Infantil) do CEIP Casás, que viñeron coñecer aos seus padriños e madriñas: o noso alumnado de 1º de BAC e do Club de Lectura
 


 Esta é a mellor maneira de fomentar o gusto pola lectura: os maiores séntense responsables de transmitir algo valioso; os pequenos séntense importantes ao ver que os máis grandes lles dedican o seu tempo e len con eles e para eles; e todos aprendemos que o exemplo é o mellor xeito de contaxiar o amor polos libros


Para ver a reportaxe fotográfica completa da actividade preme no play da imaxe:
                  

Nunha xornada fermosísima, compartimos contos e lecturas, pero tamén complicidade, xogos e diversión

Moitas grazas á todos os colaboradores: profesorado e equipo da nosa biblioteca, Alfonso de cafetería,  dirección e profesorado do colexio de Casás, Biblioteca Nodal e, por suposto, os verdadeiros protagonistas: madriñas, padriños, afilladas e afillados. 
Ata o vindeiro ano e... os que veñan!

martes, 6 de junio de 2017

Actos polas LETRAS GALEGAS 2017


O Equipo de Dinamización da Lingua Galega e o Departamento de Lingua galega e Literatura , un ano máis, organizaron de forma exitosa unha serie de actos moi interesantes, emotivos e participativos: 

 


1. Recital literario: baixo o lema "Castelao e Carlos Casares: creadores de historias", alumnado, profesorado e outros membros da comunidade educativa leron textos destes dous grandísimos narradores.

 






2. Entrega dos premios do Concurso literario de narrativa (relato curto) e poesía. 




Parabéns a todos os participantes. Podedes ver máis información e máis fotos na lapela superior (É un falar) do blog do EDLG.

sábado, 6 de mayo de 2017

Taller de cómics do CEIP MENÉNDEZ PELAYO no IES Leiras Pulpeiro

O pasado venres, 28 de abril, como colaboración entre a bilioteca do CEIP Menéndez Pelayo e a nosa, organizamos unha visita do alumnado de 6º de primaria dese centro ao Leiras.

Os rapaces e rapazas viñeron para realizar un obradoiro de cómics, impartido polo profesor Suso Coucheiro.

1º visitaron a biblioteca, despois desenvolveuse o obradoiro, que rematou cun sorteo entre todos os participantes, e, finalmente, fixeron un pequeno "tour" polas nosas instalacións: laboratorio, aulas...





Agardamos que esta iniciativa se repita nos anos vindeiros porque... que ben o pasamos!!



A continuación pódese ver a reportaxe fotográfica cos mellores momentos da xornada: 

 

martes, 25 de abril de 2017

EXPOSICIÓN de TRABALLOS polo DÍA do LIBRO

 


 Noraboa a tod@s!! 

                                 

 





   Un ano máis os nosos alumnos e alumnas fixeron uns traballos estupendos para conmemorar o Día do Libro (23 de abril).


 






  Queredes velos todos?
Dálle ao play no seguinte vídeo:


 

LECTURA PLURILINGÜE polo DÍA do LIBRO

     
    Conmemoramos o Día do Libro, 23 de abril
coa lectura de textos literarios en diversos idiomas: tanto das linguas que se imparten no noso centro como das linguas de orixe do noso alumnado.



Vivan os libros e a multicultura!
A continuación podedes ver aos vosos compañeiros en plena lectura 
(dálle ao play):
 

domingo, 2 de abril de 2017

Día do AUTISMO (2 de abril)

Conmemoramos o Día Internacional da Concienciación sobre o Autismo cunha serie de actividades moi interesantes: 

 

- Exposición de libros sobre o autismo. Na nosa biblioteca podedes atopar tanto estudos como obras literarias relacionadas co tema. Moitos dos libros foron aportados pola profesora da aula de autismo, Teresa Llano, da súa biblioteca persoal.



- Obradoiro de lazos solidarios que o alumnado e profesorado voluntario confeccionou nos recreos entre o día 27 e 30 de marzo.
















- Reparto dos lazos para toda a comunidade educativa, o venres 31 de marzo, día no que, ademais, tod@s viñemos vestidos de azul como símbolo de solidariedade e conciencia sobre o autismo.

Moitas grazas a todas e a todos pola vosa colaboración, especialmente ás profesoras da aula de autismo, Teresa Llano e Lidia Ascariz, polo seu inestimable labor diario.

 A continuación podedes ver a reportaxe fotográfica completa:
 

sábado, 18 de marzo de 2017

DÍA DE ROSALÍA con Alonso Montero

Xesús Alonso Montero


Para celebrar o Día de Rosalía (24 de febreiro),  o Departamento de Lingua galega e Literatura organizou a visita de don Xesús Alonso Montero, presidente da Real Academia Galega e especialista na obra de Rosalía de Castro. 
O salón de actos estaba abarrotado





Neste acto, que tivemos o privilexio e honra de presenciar no noso instituto o pasado día 23,  o profesor ofreceu unha maxistral conferencia sobre a autora para o alumnado de 1º e 2º de BAC nun salón de actos completamente cheo e ante unha atentísima audiencia, que o escoitaba con verdadeiro interese e admiración. 


Máis información e reportaxe completa na lapela superior É un falar ou neste enlace do blog do EDLG