Os nenos de 5 anos do CEIP Casás (6º de infantil) viñeron hoxe visitarnos para ser recibidos, amadriñados e apadriñados polo noso alumnado de 1º de BAC.
Si, por fin, despois de dous cursos sen poder celebralo, retomamos a nosa actividade favorita: APADRIÑA UN LECTOR.
As nosas alumnas e alumnos estaban impacientes cando chegaron os pequeniños. Iniciamos as presentacións e axiña comezaron a facerse confidencias.
Despois fomos todos para o noso "xardín dos contos" para iniciar un precioso tempo de lecturas compartidas, de xogos e diversión.
Aínda que nos hidratamos ben, que calor ía!
Que llelo pregunten aos padriños e madriñas que suaban mentres corrían detrás d@s afillad@s.
Tamén houbo un sorteo no que repartimos os marcapáxinas da biblioleiras e algún libro. Parabéns aos afortunados!
 | |
| Gañadores do sorteo |
E finalmente... chuches para tod@s!
O noso alumnado e mailos nenos do Casás viviron unha xornada inesquecible e ata lles deu pena ter que despedirse.
Se queres ver a reportaxe fotográfica completa dálle ó play:
Moitas grazas a tod@s por participar
e
ata o curso que vén!
Coma sempre, unha xornada inolvidable para pequenos e grandes. Parabéns!!!
ResponderEliminar