Proxecto Interdisciplinar 2011-2012: Enerxías

Aproveitando que a Asamblea General de las Naciones Unidas proclamou o ano 2012 Año Internacional de la Energía Sostenible para Todos, o alumnado de 1º de ESO desenvolveu, durante este curso 2011-2012, as súas capacidades e competencias básicas investigando sobre as fontes de enerxía renovables e non renovables, as vantaxes e inconvenientes derivadas da utilizando destas enerxías. Estes traballos desenvolvéronse coma Proxecto Interdisciplinar.

Isto levouse a cabo nas seguintes fases:

Fase I: Fixar obxectivos e metas:
Determinar se van a traballar individualmente ou en grupo, sobre que tipo de enerxía van traballar, puntos a tratar...

Fase II: Busca e tratamento da información:
Para isto:

• Buscaron información en distintas páxinas de internet.
• Visualizaron e comentaron vídeos sobre a utilización da enerxía polo home o longo da Historia, sobre os distintos tipos de lugares que apostan polas enerxías sostibles, como a Illa de Samso ou a Illa do Hierro.
• Buscaron todas as semanas no periódico La Voz de Galicia novas relacionadas coas fontes de enerxía, para ser utilizadas nos seus traballos. Cada alumno dispón dun diario, xa que o alumnado de 1º da ESO está no programa Prensa Escuela.
• Visitaron a exposición "O Noso Mundo, O Noso Futuro, A nosa opción , O cambio climático", para tomar conciencia sobre este tema e utilizar a información que cada un considerou necesaria no seu traballo.

Fase III: Presentación do proxecto:

• En soporte informático
• En soporte escrito
• Con exposición oral

No blog Facer Lugo (onde o alumnado do centro publica cada ano os seus traballos interdisciplinares) publicamos as presentacións máis relevantes elaboradas polo alumnado para ser expostas aos compañeiros. Pódese acceder a elas premendo na seguinte imaxe:

Compartindo lecturas

É unha delicia poder compartir lecturas. Por iso, este ano volvemos a repetir a experiencia de apadriñar e amadriñar lectores e lectoras do colexio de Casás.

O noso alumnado de 1º de BAC e os integrantes do Club de lectura leron os contos que elixiron e prepararon a conciencia. E os nenos de 5 aniños escoitaron con atención e sorprenderon e agasallaron aos maiores cuns debuxos dedicados.

Grazas a todos os que participastes por alegrar a mañá do Leiras.
E grazas, tamén,  a Biblioteca Nodal por colaborar nesta iniciativa. Sen os contos que nos emprestastes non sería posible esta xornada chea de sorrisos.