LECTURAS CERVANTINAS na Biblioteca

O luns, 25 de abril,     para conmemorar o   

Día do Libro, alumnado e profesorado do Club de lectura procederon á lectura de varios textos de don Miguel de Cervantes como homenaxe a este autor no cuarto centenario do seu pasamento.

Queredes ver todas as fotos?             Aquí as tedes:

Mi hermana vive sobre la repisa de la chimenea

Por fin puidemos reunirnos para comentar 

Mi hermana vive sobre la repisa de la chimenea da autora Annabel Pitcher.

 @s lector@s sorprendeunos o tema abordado no libro, en aparencia moi sinxelo, pero ateigado de profundas reflexións e sentimentos,  que de maneira maxistral transmite a narradora. O personaxe que máis chamou a atención foi o do pai, moi incomprendido pol@s máis nov@s do Club de Lectura.

Unha lectura que emociona  e invita á reflexión.

Exposición de traballos - DÍA do LIBRO (23 de abril)

Un ano máis, desde o Departamento de Lingua castelá e Literatura, convocouse a todo o alumnado para que presentase os seus carteis en conmemoración do Día do Libro.

 

 

E... menudo éxito! Houbo tantos que case non nos caben nos paneis do corredor. 

Moitas grazas a tod@s pola vosa colaboración!

A continuación tedes todas as fotos da exposición:

Lecturas e teatro

Que comerá o Rei?

        Aproveitando  a presenza de  Cándido Pazó en Lugo, o 1 de abril, os rapaces e rapazas do Club de lectura asistimos á representación  dunha contada de historias e contos inspirados en textos e debuxos de Castelao.

  O acto tivo lugar na sala de exposicións da Deputación.

Resultou unha actividade moi agradable e emotiva.

Tarde de terror no Club de lectura (7 de abril de 2016)

Escarlatina, a cociñeira
defunta está moi contenta porque a trouxemos do Inframundo ao club     Lecturas Leirantes.

A tarde do xoves, 7 de abril, resultou arrepiante e divertidísima. Os lectores e lectoras puideron demostrar o dominio das aventuras de Román e a peculiar cociñeira  respondendo as preguntas dun             Rosco de Pasapalabra. Como os equipos obtiveron moi bos resultados, Escarlatina enviounos unha terrorífica merenda: pedras de chocolate, caveiras, ollos con arañeiras, Escalofríos...

Estamos desexando ler a segunda parte da obra de Ledicia Costas.

¡Que divertido pasar medo!

Botade unha ollada a reportaxe gráfica:

MANUEL RIVAS visita o Leiras Pulpeiro

  

 

O pasado 7 de abril, tivemos a honra de contar coa visita de MANUEL RIVAS. 

Este narrador, poeta, ensaísta, xornalista, ecoloxista, libertario, galeguista... agasallounos coa súa presenza e as súas palabras.

 Falou para o alumnado de BAC (e algúns outros cursos) nunha inesquecible charla sobre a vida e a morte, a historia e a guerra, o amor e a natureza, a ética e a literatura, o compromiso e a lingua, entre outros moitos temas de interese, nos que ía expoñendo as súas propias vivencias e sentimentos.

Respondeu ás preguntas do alumnado que con tanto interese o escoitara. E, finalmente, cunha infinita paciencia, asinou e dedicou, cun debuxo personalizado, un a un, todos os libros dos alumnos e profesores que lle levamos algún exemplar das súas obras.

 

 

Moitas grazas, Manuel.

 Foi un pracer.

Podedes ver a reportaxe fotográfica completa do evento neste enlace da Web do IES Leiras Pulpeiro.

Pero tamén tedes a continuación un resumo da mesma: