BIBLIOLEIRAS

Homenaxe a Rosalía

2012-02-29T18:26:00.006+01:00

O AELG anímanos a difundir a obra de Rosalía, cando se cumpren 175 anos do nacemento dunha das figuras máis emblemáticas do Rexurdimento da literatura galega decimonónica.

No noso centro, para conmemorar este aniversario, o venres 24 de febreiro, durante o recreo, desenvolvéronse as seguintes actividades:

Breve presentación da escritora homenaxeada e lectura na biblioteca, duns poemas rosalianos en galego e un lieder en castelán, por parte do profesorado e do alumnado na biblioteca. Ao terminar xurdiu un pequeno debate sobre a sorprendente actualidade dos poemas lidos e destacouse o innegable mérito que supón o publicar a obra poética naquela época, na que a muller tiña un papel moi pouco relevante na sociedade.

Exposición de todas as edicións das diferentes obras de Rosalía, CDs coa súa poesía musicada, biografías e estudos críticos que forman parte dos fondos bibliográficos da nosa biblioteca.

No corredor central, audición de poemas de Rosalía musicados.

E velaí os textos utilizados e as fotos do acto:

Open publication - Free publishing - More news

O día de Rosalía

2012-02-24T21:00:00.006+01:00

O 24 de febreiro é o Día de Rosalía. Lembramos con esta efeméride o nacemento da escritora máis senlleira das letras galegas.

Escribiu tanto en verso como en prosa, en galego e castelán, pero destacou pola súa poesía intimista e polo seu compromiso coa lingua galega tan desprezada e desprestixiada na época na que ela viviu.

Para un achegamento inicial á figura de Rosalía, recoméndovos que leades esta versión dixital do libro Rosalía ilustrado por Ánxeles Ferrer e escrito por Helena Villar, escritora lucense e presidenta da Fundación Rosalía de Castro.

Se queredes saber máis sobre a súa biografía e obra, déixovos aquí as seguintes ligazóns:

Fundación e Casa Museo Rosalía de Castro

Aquí atoparás unha zona para descargar a súa obra

Galipedia

Biblioteca Virtual Galega

Praza das letras

Autores galegos

Biblioteca das Letras galegas

Cultura galega

AELG, día de rosalía

E se o que preferides é escoitar os seus poemas musicados, quí tedes algún dos vídeos que atopamos na rede:

Mayo longo, musicado por Carlos Núñez e cantado por Anabela

Negra sombra, versionado por Luz Casal e Carlos Núñez

Airiños, airiños, aires, musicado e cantado por Amancio Prada e as Pandereteiras de Baio.

Adiós ríos, adiós fontes versionado por Amancio Prada

Alborada , unha versión en clave de jazz, na que participan Anxo Angueira, o pianista Abe Rábade, Guadi Galego como cantante, Jesús Santandreu no saxo tenor, Nelson Cascaisao ao contrabaixo e Bruno Pedroso á batería.

E, por último Canzón pra Rosalía de Castro, de García Lorca, musicada por Rafa Lorenzo.

Cambio climático. O noso mundo, o noso futuro, a nosa opción

2012-02-16T21:32:00.006+01:00

O cambio climático é un dos problemas máis graves aos que se enfronta a Humanidade. Actualmente outras dificultades como a crise económica silencian nos medios de comunicación esta cuestión transcendental. Por estas e outras razóns, o Departamento de Bioloxía e Xeoloxía xestionou unha exposición de dezaoito paneis, cedidos por CEIDA, nos que se explica cientificamente que é o cambio climático así como as súas consecuencias mundiais e o seu impacto en España e Galicia. Finalmente expúñanse posibles solucións como os tratados internacionais (Protocolo de Kioto) e as achegas de tipo individual.
A exposición estivo no corredor central do centro durante a primeira quincena de febreiro. Foi visitada polo alumnado que cursa algunha materia do Departamento e tamén polos nenos e nenas de 6º de Primaria do Colexio de Casás. Consideramos que espertou o interese dos visitantes, razón pola cal valoramos moi positivamente esta actividade.

Finaliza a I Semana das Matemáticas

2012-02-16T13:29:00.003+01:00

Finaliza a I Semana das Matemáticas cunha visita moi especial. Os nenos e nenas de 6º de Primaria do Colexio de Casás achegáronse até o Leiras Pulpeiro para participar tamén nalgunha das actividades programadas para esta semana. Tras observar con atención a exposición do corredor central, dirixíronse á biblioteca para ver o vídeo Donald no país das matemáticas. Ao terminar a proxección, a xefa do departamento de Matemáticas, Ana García, respondeu a todas as preguntas que expuxeron os pequenos. Nas seguintes presentacións podedes ver as imaxes que resumen esta I Semana das Matemáticas. Grazas a todos os que participastes nela polo voso entusiasmo e colaboración.

As matemáticas "recreativas"

As matemáticas na "biblio"

Os nenos de Casás

Cool Slideshows

As lecturas matemáticas máis divertidas

2012-02-10T20:30:00.000+01:00

As matemáticas non son tan aburridas como parece. Achégate á biblioteca e leva algún dos libros da exposición "LECTURAS MATEMÁTICAS" que preparamos pensando en ti. Nesta guía atoparás máis información sobre eses libros que te introducirán no mundo das matemáticas máis divertidas.

Poemas matemáticos

2012-02-09T20:14:00.002+01:00

Os números, a xeometría e outros compoñentes matemáticos vólvense poesía na seguinte selección de poemas.

O porqué do léxico matemático

2012-02-08T19:52:00.000+01:00

Cun reducido número de raíces gregas e latinas pódense formar moitos termos propios da linguaxe científica e técnica.

Se queres coñecer o porqué dalgunhas palabras do léxico matemático, interésache ler este documento.

A divina proporción

2012-02-08T19:11:00.004+01:00

A proporción áurea ou o número áureo, representado pola letra grega Φ, en honra ao escultor grego Fidias, está presente na natureza, o corpo humano, a arquitectura e outras manifestacións artísticas como a escultura, a música ou o deseño.

Pescúdao na seguinte presentación.

Bicentenario do nacemento de Dickens

2012-02-07T19:45:00.014+01:00

Hoxe cúmprense 200 anos do nacemento de Charles Dickens, un dos máis soados novelistas da literatura inglesa. As súas novelas, que se publicaban por entregas nos medios gráficos, inspiraron moitas adaptacións cinematográficas e televisivas.
As emocionantes historias que escribiu retratan de forma inigualable a sociedade da Inglaterra victoriana. Como bo abanderado do realismo, critica, con humor e ironía, a desigualdade entre ricos e pobres, as lamentables condicións de vida dos asalariados, a lentitude, ineficacia e arbitrariedade do sistema xudicial, a explotación infantil, o abandono, a pobreza, e outras miserias do ser humano. Algúns consideran que esta batalla contra a inxustiza e esta profunda sensibilidade social que impregna toda a súa obra, fixéronlle caer nun sentimentalismo excesivo.
Pero se por algo destacou Charles Dickens é pola aguda descrición de lugares e xentes: debuxou como ninguén o Londres do s. XIX e creou personaxes tan memorables como Oliver Twist.

Se queres coñecer algo máis sobre Dickens e, ao mesmo tempo practicar o teu inglés, pica aquí: atoparás un vídeo coa súa biografía e un xogo que che trasladará ao Londres victoriano. Tamén che recomendo dar un pequeno paseo virtual polo seu museo, visitar a súa páxina oficial e ler a información que che deixo nesta ligazón. E se o que desexas é saber o que opinaban de Dickens outros grandes da literatura universal como Dostoievsky ou Verne, aquí tes un vídeo que tamén inclúe imaxes dalgunhas películas inspiradas nas súas obras.

Semana das Matemáticas

2012-02-06T20:41:00.005+01:00

Comeza hoxe unha semana dedicada ás Matemáticas no Leiras Pulpeiro. O Departamento de Matemáticas organizou unha serie de actividades para demostrarnos que as matemáticas están en todo o que nos rodea e poden ser moi divertidas.
Todos os grupos de ESO asistirán, segundo un horario previamente establecido, á proxección de dous vídeos: Donald e as Matemáticas e Viaxe ao infinito. A proxección terá lugar na biblioteca, onde tamén poderán ver a exposición de libros matemáticos que forman parte dos nosos fondos. No corredor central colocamos uns paneis con información variada: o número áureo na natureza e a arte, a sucesión de Fibonacci no mundo que nos rodea, a orixe grecolatino do léxico matemático, a historia dos números, unha colección de selos matemáticos, unha selección de poemas matemáticos e outras curiosidades matemáticas. E durante o recreo haberá xogos de enxeño, tangram, quebracabezas... Non cho perdas.

A Manolo Blanco, no Día da Paz

2012-02-02T00:58:00.006+01:00

O pasado día 30 de xaneiro reunímonos no corredor principal do centro o alumnado, o profesorado e o persoal non docente para celebrar o Día Escolar da Non Violencia e da Paz.

Este ano quixemos dedicalo ao noso benquerido compañeiro Manolo Blanco, que nos deixou o ano pasado. Manolo era un enorme traballador. Era coma un incansable motor que nunca deixaba de empurrar aos demais, que non paraba de iniciar novos proxectos, sempre comprometido coa educación dos seus alumnos e alumnas, cunha educación diferente.

El cría sen paliativos nunha cultura de paz, nunha sociedade na que os inevitables problemas que xorden da convivencia se resolveran pacificamente.

O luns foi o seu día, o día de Manolo, e quixemos lembrarlle (aínda que el sabe que en realidade o lembramos cada día). Descubrimos unha praca conmemorativa coa frase que estaba permanentemente presente nas súas mensaxes de correo. Pero antes limos uns textos. Uns textos sobre Manolo e sobre a Paz: unha parella indisoluble. Con eles quixemos dicirche, Manolo, que te botamos en falta. Pero tes que saber, querido compañeiro, que aínda que xa non esteas aquí, ao noso carón, nós seguiremos o camiño da Paz, ese camiño polo que tantas veces andaches ti diante de nós.

Moitas grazas por estar aí, moitas grazas por todos estes anos. Sempre estarás connosco.

O seguinte texto, unha sentida lembranza, foi publicada na revista "Lerias do Leiras", publicada polo EDLG do noso centro:

Con estas verbas abrimos durante anos os correos que o compañeiro Manolo nos envíaba informándonos da reunión do grupo de traballo (PAMCE), das reunións de titoría, do grupo de Comunicación non violenta (CNV), dos cursos para formación de mediadores ou dos encontros de educación pola paz.

Foron once anos nos que compartinos inquedanzas renovadoras e nas que Manolo nos invitaba a participar co seu ánimo sosegado e xeneroso e na que sempre asumía a parte que ninguén estaba disposto a desenvolver: a organización, dinamización e coordinación dunha morea de actividades que se foron desenvolvendo nestes anos.

No curso 1999-2000 chegamos ao IES Leiras a maioría do profesorado que hoxe formamos o claustro e dende ese momento e inintirrumpidamente desenvolvéronse grupos de traballo que tiveron relación coa mellora da convivencia: Integración das normas dende a titoría, a mellora da competencia lectora, a aprendizaxe cooperativa, competencias...

Manuel Blanco cría no papel da educación para mellorar as persoas e a sociedade, por iso o noso recordo estará sempre vencellado o seu labor dinamizador de experiencias para mellorar a práctica educativa, a súa metodoloxía, a actualización ós tempos que corren. Mais todo isto non o vivía coma unha abstracción, o seu traballo nos últimos anos centrouse na creación de dinámicas positivas de relacións entre as persoas, na mediación nos conflitos coa creación de grupos de alumnado mediador e na creación dunha rede de alumnos-as RAS (rede de alumnos solidarios). En definitiva foi o seu traballo a prol da renovación pedagóxica e da cultura da PAZ.

Manolo foi tamén un “bo e xeneroso” comprometido coa realidade galega e a defensa da nosa lingua. Recordamos a súa voz profunda e tranquila nos recitais poéticos que se celebraron en conmemoración das Letras Galegas. Este ano, coma outros Manolo ía recitar o poema de Lois Pereiro “ Amarte, vida, amarte case sempre”

A vida, sen o compañeiro Manolo, segue...
Con nós segue a súa xenerosidade, o seu traballo, a súa Paz.

Os compañeiros e compañeiras do IES Leiras Pulpeiro que nos sentimos unidos polos mesmos valores.

Tristes guerras

2012-01-30T19:17:00.004+01:00

Con motivo do Día Escolar da a Paz e a non Violencia, que se celebra o 30 de xaneiro, elaboramos a Guía de lecturas "Tristes Guerras".

Open publication - Free publishing - More books

Trátase dunha selección de obras que nos transmiten valores de respecto, tolerancia e solidariedade. Todas teñen como telón de fondo un conflito armado e falan das inútiles e desgarradoras guerras e as súas nefastas consecuencias. Como dicía Miguel Hernández, todas as guerras son tristes e fan aos homes tristes.

Aprendamos, a través da lectura, que as nosas mellores armas son as palabras e o diálogo.

Todos os libros seleccionados forman parte da exposición actual da biblioteca e podes levalos en préstamo.

Dedicado a todas as profesoras e profesores da ensinanza pública

2012-01-16T18:43:00.010+01:00

Pincha na imaxe para ver un vídeo-homenaxe á escola pública:

De lecturas Leirantes no Museo Provincial

2012-01-15T19:20:00.014+01:00

A sala dedicada a Castelao no Museo Provincial de Lugo acolleu o pasado 21 de decembro a actividade final do noso club de lectura sobre a obra Retrincos de Castelao. Alumnos e profesores integrantes de Lecturas Leirantes (nome do noso club) deleitáronse cos comentarios intercambiados sobre a obra -previamente lida e gozada-, sobre Castelao e sobre sentimentos e vivencias da Galicia de sempre. A mostra de debuxos de Castelao, que enriquece as paredes desta sala, propiciou que se aproveitase para falar tamén da súa obra gráfica e que os rapaces participasen nun taller de debuxo relacionado coa mesma.

Grazas a todos os lectores leirantes pola vosa participación, e parabéns pola vosa actitude.

Castelao na biblioteca

2012-01-09T18:59:00.010+01:00

Aínda podedes ver na biblioteca unha selección de libros que completa a exposición sobre Castelao.

Deíxovos tamén aquí un vídeo que atopei en youtube, no que podedes comprobar a faceta de caricaturista e debuxante do autor de Rianxo.

Exposición sobre Castelao

2012-01-09T18:24:00.006+01:00

Desde o 12 de decembro, o corredor principal do noso centro acolle unha exposición sobre Castelao, promovida pola Secretaría Xeral de Política Lingüística e a Dirección Xeral do Libro, Bibliotecas e Arquivos.

O contido da mostra pretende difundir a traxectoria vital e profesional do escritor de Rianxo con motivo do 125 aniversario do seu nacemento.

Todo o alumnado puido comentar e ampliar a información contida nos paneis coa axuda das profesoras de Lingua e Literatura Galegas.

A mostra fai un percorrido pola obra e a vida de Castelao desde a súa infancia en Rianxo e a adolescencia como emigrante na Pampa arxentina, ata o exilio, primeiro en Nova York e despois en Bos Aires. Nese percorrido, a exposición recolle os aspectos máis salientables da súa faceta de escritor, de artista gráfico, de debuxante e de político. Os seus primeiros pasos como debuxante e caricaturista, a incorporación en 1917 ás Irmandades da Fala, a súa traxectoria como deputado pola provincia de Pontevedra nas Cortes Constituíntes de 1931 ou seu papel na fundación do Partido Galeguista son algúns dos episodios que nos achega a exposición.

Bó Nadal e Feliz Aninovo

2011-12-22T17:35:00.000+01:00

O NADAL é tempo de descanso...

...de reencontros...

..de ledicia...

É tempo de sentarse nun recuncho...

...de respirar tranquilo...

...e LER UN LIBRO...

Dende a Biblioteca Escolar do IES Leiras Pulpeiro queremos enviarvos os nosos mellores desexos e algunha recomendación, por se vos apetece viaxar entre as páxinas dun libro amigo... Bó Nadal e Feliz Aninovo.

Open publication - Free publishing - More guia

10 de Decembro: Día dos DDHH

2011-12-10T14:11:00.004+01:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

Todos somos distintos

2011-12-07T20:04:00.009+01:00

O Departamento de Orientación en colaboración co Equipo da Biblioteca organizou unha actividade para conmemorar o Día Mundial da Discapacidade que se celebra o 3 de decembro. Con ela pretendíamos acadar os seguintes obxectivos:

Coñecer as características das persoas con limitacións físicas e intelectuais.

Valorar as diferenzas e rexeitar a discriminación.

Mellorar a convivencia mediante a integración.

O venres día 2 e o luns día 5, segundo un horario predeterminado, o alumnado de 1º e 2º de ESO e 3º e 4º de PDC asistiu a proxección e posterior comentario de tres vídeos: Capacidades diferentes, O cazo de Lorenzo e Sofía, a vaca toliña pola música . Remataron a sesión realizando un exercicio que consistía en identificar os símbolos que representan a cada unha das diferentes discapacidades físicas e intelectuales.

Podedes volver a botar unha ollada a este vídeo tan cheo de tenrura.

Actividades 25 N

2011-11-26T21:52:00.001+01:00

O 25 de novembro, Día Internacional contra á violencia de xénero, o alumnado de 3º de ESO participou nunha charla-coloquio moderada por dúas mulleres da Asociación Enriqueta Otero de Lugo. A actividade desenvolveuse na biblioteca entre as 10:10 e as 11:00 h. nun ambiente de cordialidade. Analizaron os falsos mitos que tratan de xustificar a violencia machista e reflexionaron sobre a preocupante gravidade desta lacra social, consecuencia da desigualdade entre mulleres e homes.

A continuación, no período de lecer, un grupiño de alumnos e alumnas encargáronse de repartir lazos de cor violeta.

Durante todo o día, nas diferentes clases realizáronse lecturas alusivas ao tema da violencia de xénero, para tomar conciencia da necesidade de atallar todo tipo de violencia hacia a muller e aprender a importancia que ten compartir a vida en igualdade desde o respecto.

As reflexións foron plasmadas por escrito e colocadas polo alumnado nos paneis do corredor central do instituto. E para que non se esqueza o drama que supón a violencia machista, escribiron os nomes dalgunhas das 54 mulleres que foron asasinadas no ano 2011.

Galiciencia 2011 en Tecnópole

2011-11-25T20:31:00.010+01:00

(Imaxe tomada da revista oficial Galiciencia; nela adivíñase a presenza de Marina García, de José Manuel Traseira, autor desta reseña, e dalgún dos alumnos e alumnas do IES Leiras Pulpeiro que puideron disfrutar da sexta edición da Galiciencia)

O pasado 23 de novembro, 45 alumnos e alumnas de 4º ESO e 1º BAC de Ciencias, acompañados polos seus profesores Marina García, Xabi Díaz e José Manuel Traseira, trasladámonos ao Parque Teconolóxico de Ourense, para asistir as actividades de Galiciencia, a maior feira científica de Galicia.

Esta nova edición de Galiciencia sumouse a conmemoración do Ano Internacional da Química con interesantísimos talleres realcionados con esta materia.

Así, os privilexiados do Leiras Pulpeiro puidemos asistir ó taller sobre Ciencia e Cine impartido por David Ballesteros. Nel explicounos a intervención da química na elaboración dalgúns efectos especiais, o emprego do nitróxeno líquido no proceso de conxelación ou a técnica da pantalla verde ou "Chroma Keyng".

Despois percorremos unha carpa chea de postos con inxeniosos e orixinais proxectos de estudiantes de Secundaria e FP de Galicia e outras comunidades como Cataluña ou Euskadi. Destacaron polo seu interese experiencias como a obtención de biodiesel a partir de aceites reciclados, a fabricación de papel con algas,os robots-logo, as neveras solares ou a explicación de como o alumnio frea aos imáns.

Finalmente asistimos ó taller de Química recreativa do profesor Carlos Pérez. Os experimentos que presentou, a maneira do programa televisivo "El hormiguero" fixéronnos pasar un rato moi divertido. Aprendemos a usar solucións indicadoras de color para converter auga en viño, a dobrar metais con nitinol, como facía Uri Geller coas culleres. Tamén falounos dos fluidos metaestables, dos polímeros hiperhidratables que se utilizan na fabricación dos pañais dos astronautas e doutros trucos de maxia que esconden fascinantes fenómenos químicos. Pero a actividade final que se fixo no xardín foi a que máis nos sorprendeu: demostrou como facer estoupar unha bomba de fume con pelotas de ping-pong e papel de aluminio.

Todos nós quedamos moi satisfeitos da visita á Tecnópole, porque é unha forma práctica e divertida de aprender Ciencia. O vindeiro curso esperamos repetir a experiencia pero, se é posible, presentando algún proxecto nos mesmos.

Elas, feminino plural

2011-11-25T20:06:00.008+01:00

Este é o título da exposición de libros con motivo da conmemoración do Día contra a Violencia de Xénero. Propoñémosvos lecturas para reflexionar sobre o valor da igualdade a través da literatura non discriminatoria.

Poderás atopar nesta exposición varias obras nas que a muller ten un papel protagonista. Con algúns dos títulos elixidos coñecerás outras culturas e viaxarás a países onde a muller é unha figura irrelevante, vítima do maltrato e a violencia e condenada a vivir en sociedades non igualitarias.

How is Queen Elizabeth II related to Prince William?

2011-11-25T19:53:00.003+01:00

Easy! She’s his grandmother, of course. But... how many of you knew the answer?
On Friday 25th, 1st and 3rd ESO students attended a UK Culture Class given by a native English-speaking trainer from Burlington Books.
The class offered a fun and interactive way for students to learn about various aspects of British culture, such as Food & Drink, The Royal Family, Sport, Music and Famous People. Everyone in the class had a chance to participate and in the end, there was a quiz in the style of the TV game show “Who wants to be a Millionaire?” where one lucky winner took away a very nice prize.

Enfróntate á violencia !!

2011-11-25T10:32:00.007+01:00

Trafegando Ronseis regálanos estes versos nun esperanzador vídeo para conmemorar o Día contra a violencia de xénero.

Soños
Esperanzas
Ilusións
Proxectos
Futuro
VIDA

Estas palabras son reais. Existen.
Florecen se ti lles das vida.
Se te permites ter ilusións.
Se deixas que os soños roden.
Se realizas proxectos.
Se conservas as ilusións.
Se creas FUTURO.

Porque esa VIDA lonxe da violencia transcorre ao teu carón.
Dálle a man, nada coa corrente, chega a ese mar de vida que te agarda, con soños, esperanzas, ilusións, proxectos, FUTURO.

Enfróntate á violencia!!

Día Internacional contra violencia de xénero 2011 from trafegandoronseis on Vimeo.

Lecturas para pasalo de medo

2011-11-22T17:50:00.016+01:00

Seguro que o pasastes de medo lendo algún dos libros da exposición "Medo me dá", porque misteriosamente foron desaparecendo da mesa onde estaban.

Cando xa estamos a piques de retirar o que queda da exposición, achégovos, nesta terrorífica presentación, unha guía cos títulos máis salientables, por se queredes seguir pasándoo de medo.

Open publication - Free publishing - More lecturas

Aplicación da investigación xenética: o seu uso na práctica policial

2011-11-07T20:33:00.005+01:00

O 4 de novembro, co gallo do "Día da Ciencia en Galego", os alumnos/as de 1º e 2º de BAC e os do Ciclo de Industrias Alimentarias asistiron á videoconferencia "Aplicación da investigación xenética: o seu uso na práctica policial" impartida polo catedrático da Universidade de Santiago Don Ángel Carracedo.

A sesión resultou moi interesante, aínda que quedou un tanto deslucida polos fallos técnicos que interrompían a recepción e cortaban a secuencia da exposición.

O profesor Carracedo, autoridade mundial na materia, empezou referíndose á extraordinaria importancia que a análise do ADN ten na práctica da criminoloxía e na determinación de paternidades dubidosas. Así, para o caso da criminoloxía, nalgúns países a policía xa dispón dunha base de datos cos xenomas de persoas con algún delito, o cal permite unha identificación máis áxil no caso de reincidencia delictiva. Este extraordinario avance presenta un importante dilema á sociedade: unha maior seguridade fronte ao perigo dunha perda de liberdade por un exceso no control xenético a persoas que non son delincuentes.

"Hora de ler"

2011-11-06T21:05:00.006+01:00

O luns 7 de novembro retomamos a actividade “Hora de ler” iniciada o curso pasado como experiencia piloto. Despois dun período de reflexión e debate controvertido, conseguimos redefinir a iniciativa. O noso primordial obxectivo é fomentar o hábito lector do alumnado e mellorar a súa competencia lectora en todas as materias e nas diferentes modalidades de lectura: individual e silenciosa ou en voz alta e utilizando o mesmo texto todo o grupo.

Dedicaramos media hora semanal, preferentemente, á lectura libre, individual e silenciosa en todos os cursos da ESO segundo o calendario exposto en cada clase.
Permitiranse as lecturas en voz alta e dirixidas polo profesorado que así o prefira, procurando manexar todo tipo de textos: literarios, científicos, divulgativos, xornalísticos…

A semana pasada todos os alumnos e alumnas do centro estiveron na biblioteca e, os que quixeron, puideron levar en préstamo algún libro dos nosos fondos para ser utilizados durante a “Hora de ler”.

O Equipo de Biblioteca quere desexarvos a todos e todas unhas pracenteiras lecturas.

Premios á exposición "Mulleres Nobel: unha visión non sexista da Ciencia"

2011-11-05T20:03:00.008+01:00

A exposición "Mulleres Nobel: unha visión non sexista da Ciencia", recibiu o segundo premio ao traballo "Mulleres Nobel en Fisioloxía e Medicamento", edición deste ano do Premio á Introdución da Perspectiva de Xénero na Docencia e na Investigación da USC. A outra parte da exposición "Mulleres Nobel en Fisica e Química" quedou como unha das tres finalistas do Concurso Internacional Ciencia en Acción na modalidade Muller, Ciencia e Tecnoloxía e que foi subvencionado cunha bolsa para asistir á final de Lérida.

Desde o IES Leiras Pulpeiro queremos reiterar o noso agradecemento a Pilar Arias Crespo e a Montserrat Nogueira Álvarez, profesoras do Departamento de Bioquímica e Bioloxía Molecular da Universidade de Santiago, pola súa xenerosidade ao cedernos aquela exposición da que sacamos un enorme partido.

Parabéns por eses merecidísimos premios. Sen dúbida, son o recoñecemento a un traballo moi ben feito.

Este é o enlace á entrada que fixemos no blog con motivo desta exposición:

http://biblioleiras.blogspot.com/2011/04/mulleres-nobel-unha-vision-non-sexista.html

Día Internacional da Ciencia en Galego: Marie Curie e María Wonenburger

2011-11-04T18:50:00.011+01:00

O 4 de novembro celebramos o Día da Ciencia en Galego para reivindicar o emprego da nosa lingua no ámbito científico.
O 2011 foi declarado Ano Internacional da Química para conmemorar o centenario do Premio Nobel de Química concedido a Marie Curie, a primeira muller que recibiu o Premio Nobel polos seu descubrimentos dos elementos Radio e Polonio. Por iso, este ano o día da Ciencia en galego destaca o papel da muller na ciencia lembrando a Marie Curie e a matemática galega María Wonenburger.
Pincha nas seguintes fotografías, se queres coñecer algo máis destas recoñecidas científicas:

"Medo me dá"

2011-10-28T17:30:00.005+02:00

Xa podes levar algún dos libros da exposición "Medo me dá" que preparamos para ti na biblioteca. Nela encontrarás contos con historias de pantasmas, lobos, bruxas e outros terroríficos individuos da tradición oral galega, e relatos e novelas de terror de autores de innegable calidade que están empeñados en asustarnos.

Biblioteca escolar, última xeración

2011-10-23T18:22:00.007+02:00

"Biblioteca Escolar, ultima xeración" é o lema do cartaz, ilustrado por Emma García, que este ano editou a Consellería de Educación para celebrar o Día da Biblioteca e o mes das bibliotecas escolares.

A ilustradora galega concibe a biblioteca escolar como un espazo único para a aprendizaxe, a lectura e a convivencia. Efectivamente, nas bibliotecas nos informamos, aprendemos, lemos para buscar respostas nas palabras doutros, sentimos, soñamos, vivimos outras vidas, viaxamos coa nosa imaxinación, crecemos...

A iniciativa de dedicar o día 24 de outubro á Biblioteca surxiu no ano 1997 da Asociación Española de Amigos do Libro Infantil e Xuvenil. Podedes pinchar neste enlace para ver o cartaz, que este ano ilustrou Elena Odriozola, e para ler o texto do escritor Patxi Zubizarreta.

O misterio das esculturas de papel

2011-10-13T17:41:00.000+02:00

Ao longo deste ano, unhas misteriosas esculturas feitas de libros aparecen, coma por arte de maxia, nas bibliotecas de Edimburgo.

Alguén, xeneroso amigo, deixa estas marabillas para que a xente admire o poder das historias. Alguén que ama a lectura, que vive polos libros e probablemente grazas a eles.

Comezou na Biblioteca de Poesía Escocesa, e na escultura puxo o lema da mesma ("by leaves we live"), unha preciosa frase que o di todo.

É xenial que no mundo actual, cheo de xoguetes tecnolóxicos, haxa xente que aínda amose estes valores propios dun romanticismo olvidado.

O que é incríble é que, tras meses de traballo, aínda ninguén lle teña visto deixar unha soa das súas esculturas.

Paga a pena botar unha ollada ás súas esculturas neste enlace.

AS BIBLIOTECAS ESCOLARES GALEGAS DESPEDIMOS A Mª DOLORES

2011-09-16T18:42:00.002+02:00

Comezamos o curso con tristeza.

Temos que despedir á compañeira Mª Dolores Martínez Tobío, docente no IES Luis Seoane de Pontevedra e responsable da biblioteca escolar do centro. Hai só uns meses que Mª Dolores nos puxo a Salvar Libros por centros de toda Galicia. Salvar os libros que valen a pena, as linguas nas que se escriben eses libros, as bibliotecas nas que se gardan... a memoria dunha mestra que día a día traballou a favor da cultura e a educación.

Este é un documento colaborativo como tantos outros nos que Mª Dolores adoitaba participar co seu habitual entusiasmo. Desgraciadamente convocounos hoxe a súa despedida e pensamos nesta pequena homenaxe que xorde da mesma rede que ela axudou a tecer. Canto tempo e ilusión dedicados a Biblioiris, a súa bitácora vinculada á biblioteca escolar do instituto! Por iso os nosos blogs lamentan hoxe a súa ausencia. Por iso esta entrada será publicada por moitos outros centros, ademais dos que aquí figuran. Esperamos que este documento saiba representar tamén a tantas persoas que, desde a rede PLAMBE das bibliotecas escolares galegas, desexan expresar o seu pesar e as súas condolencias á familia e amigos da nosa compañeira. Son tantos os centros que a súa relación excede as dimensións deste documento.

Grazas Mª Dolores polas palabras, polas reflexións, polas propostas, polo tempo, polo que fixemos xuntos e que permitirá seguir camiñando pola ruta das bibliotecas escolares.

Cristina Novoa

Pilar Sampedro

Asesoría Bibliotecas Escolares

Imaxe das ligazóns: Rapaza lendo. Gustav Adolf Hennig

PECHAMOS POR VACACIÓNS

2011-07-08T19:38:00.006+02:00

Sí, pechamos por vacacións. E as temos ben merecidiñas.
Este primeiro ano como membros do PLAMBE foi moi positivo. A nosa biblioteca luce cun aspecto renovado e as actividades que en torno a ela realizamos deixáronnos exhaustas. Necesitamos descansar e recuperar algunha das ilusións que perdemos polo camiño.

Con todo, ímonos contentas e coa sensación do deber cumprido: moitas horas de dedicación, máis alá das remuneradas e das que constan no noso horario, noites de insomnio pensando en signaturas, CDUs e actividades de dinamización, peleas coas ferramentas Web 2.0 que non controlamos, asistencia a cursos de formación, búsqueda de apoios, rexistrar, catalogar e colocar e recolocar libros nos andeis en medio dun anaquiño de soidade, horas de lecer que non puidemos compartir cos nosos compañeiros e horas que roubamos ás nosas familias ..., en definitiva, moito, moitísimo traballo, que non sempre é recoñecido públicamente nin suficientemente valorado.

Pero como a mellor terapia é rirse dun mesmo, aquí vos deixo unha curtametraxe que sí me fixo rir. Os nosos compañeiros do IES Fonte Albei de Fonsagrada recibiron un premio ben merecido por este traballo no Festival audiovisual galego OLLOBOI. Con ironía, humor e moita retranca ofrécennos unha particular visión sobre a figura do encargado da biblioteca. Invítovos a que a vexades. Sen ánimo de dramatizar, asegúrovos que neste curso que agora acabou sentínme en varias ocasións como o Biblioman da curta.

Deséxovos descanso e boas lecturas.

Rosa

UNHA XORNADA DIFERENTE

2011-06-30T21:28:00.004+02:00

O 21 de xuño viviuse no Leiras unha xornada diferente. 120 alumnos/as participaron con moito entusiasmo na I Xincana Literaria. A iniciativa, promovida polo Equipo da biblioteca, tivo tan boa acollida entre o alumnado que desbordou todas as nosas expectativas.

Cun número tan elevado de inscritos non nos quedou máis remedio que formar 20 equipos. Cada un dos equipos estaba integrado por 6 alumnos/as dos catro cursos da ESO e da Aula de Autismo. Pretendíamos deste xeito propiciar as relacións interpersonais, fomentar o traballo colaborativo a través dunha actividade lúdica e diferente e educar nos valores de tolerancia e respecto. E unha vez máis o noso alumnado demostrou a súa capacidade de convivencia e integración.

Parabéns para todos os participantes polo seu exemplar comportamento.

A xincana desenvolveuse en dúas fases.

Na primeira fase cada un dos equipos tivo que resolver dez probas utilizando non máis de dez minutos para cada unha delas. Tratábase de que empregasen estratexias de procura da información e, para iso, tiñan a súa disposición bibliografía e ordenadores. O capitán de cada equipo levaba unha carpeta coas instruccións, un mapa do centro co número da proba e a súa localización e unha folla de rexistro. En cada posto de control un profesor/a encargouse de vixiar e cualificar as probas. No deseño destas colaboraron os departamentos de Ciencias, Educación Física, Física e Química, Galego, Grego, Historia, Inglés, Música, Plástica, Relixión e Tecnoloxía.

Na fase final, os seis equipos seleccionados por ter obtido unha maior puntuación enfrontáronse realizando outras catro probas. Estas últimas probas non requiriron gran esforzo físico senón habilidade e destreza. Carricoba, o profe de Historia, encargouse de que resultasen francamente divertidas.
Ó día seguinte, na hora de lecer procedemos á entrega dos premios. Todos os participantes recibiron un artístico diploma deseñado por Paula, a profe de Plástica, e os seis equipos finalistas obtiveron un lote de libros, camisetas, unha axenda, marcapáxinas ...

Deixámosvos aquí algunhas das moitas fotografías co resultado desta interesantísima actividade que todos estamos desexando volver a repetir.

UN RECUERDO EMOCIONADO

2011-06-29T19:54:00.009+02:00

Al alumnado y a los compañeros y compañeras de años felices, a nuestros esforzados y "pacientes" tecnólogos, a las Directivas anteriores y a la actual, y en representación de todas ellas, a Íñigo, como yo, amante de los haikus:

Una pantalla:

el mundo a un solo paso

de la mirada.

Y a todo el profesorado de los distintos Departamentos, con Marina y Rosa a la cabeza, que tanto están trabajando en favor de la lectura:

En un libro

la vida se disfraza

de letras danzarinas.

Con mi reconocimiento y cariño, que hago extensivo a mis compañeros "jubilosos".

Reme

Apadriñando lectores

2011-06-14T14:44:00.006+02:00

O 7 de xuño recibimos unha visita moi especial. Nenos e nenas de 5 aniños do Colexo de Casás acercáronse ata o noso centro para participar na actividade “Apadriña un lector”.

Uns días antes, 40 alumnos e alumnas de 1ª, 2º, 3º de ESO e 1º de BAC elixiron os contos que lles ían ler aos pequechos. Desde aquí queremos dar as grazas á Biblioteca Nodal por prestarnos todos os libros que se leron e polos suxestivos marcapáxinas cos que agasallamos aos pequenos e pequenas.

A iniciativa tiña como obxectivo fomentar o interese pola lectura e potenciar as relacións interpersonais. E sen dúbida lográmolo. De contado, o libro creou ese vínculo afectivo que pretendíamos. Os maiores prepararanse a conciencia e sorprenderon aos pequenos con debuxos, xogos malabares, monicreques, chuches, algún disfrace e moito entusiasmo.

E, como unha imaxe vale máis que mil palabras, aquí vos deixo algunhas fotos desta actividade que xa estamos desexando repetir.

LOIS PEREIRO: VIII Recital Poético no Leiras

2011-06-09T09:48:00.012+02:00

Un ano máis o Equipo de Dinamización Lingüística organiza un recital poético no que participan alumnado de 3º e 4º de ESO, profesorado e persoal non docente. Coas imaxes e músicas, seleccionadas por alumnos e alumnas de Música de 3º e 4º poñemos voz ao poeta homenaxeado nas letras galegas e a outros autores do grupo Poetas De Amor e Desamor entre os que se encontran Manuel Rivas, Lino Braxe, Pilar Pallarés...

LOIS PEREIRO é unha voz poética crúa, forte, dura... núa; unha voz que, como dixo Manuel Rivas, é unha voz escura que aluma claridade. A súa experiencia foi breve, pero intensa. Como intensa e contundente é a súa poesía. As súas lecturas, as súas viaxes, o seu coñecemento de diferentes linguas, convivencia coa morte...todo o que conformou a súa vida está presente nos seus poemas cargados de sentimento e paixón, de amor e de saudade.

Escoitar os poemas foi para todos moi grato.

A insoportable levedade das bibliotecas escolares galegas

2011-06-01T09:40:00.005+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos.
Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal.

Onde quedou ese entusiamo?

Que interpretación debemos facer?

O noso país pode permitirse tirar pola borda todo este traballo?

E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Lu e Go xúntannos na muralla

2011-05-23T18:23:00.010+02:00

O escritor Antonio Reigosa e os personaxes do seu libro "Lu e Go pola muralla" xuntaron en Lugo a medio centenar de lectores.

O alumnado dos clubs de lectura, "O xograr lector" do IES X.Afonso Gómez, "A vacaloura" do IES de Monterroso e "Lecturas Leirantes" do IES Leiras Pulpeiro de Lugo (anfitrión), acompañado de varios profesores, tivo a súa disposición ó creador do gato Lu e do rato Go, Antonio Reigosa, para recrear in situ as andanzas destes dous personaxes pola muralla.

Falounos, Reigosa , tamén da historia da cidade, de multitude de anécdotas de personaxes de onte e de hoxe do noso Lugo.

Durante o percorrido sucederon dalgunha maneira cousas estranas: a caída de Sabela(afortunadamente sen consecuencias graves) que semella á de Lu e Go polos furados das paredes, o coche da policía a carreira pola muralla, o monxe budista que nos aparece de frente...

!Inesquecible a volta á muralla!

Na biblioteca do centro tivo lugar a comida dos participantes; entre bocado e bocado non faltou tampoco a charla sobre este e outros libros.

Arredor do 36

2011-05-22T20:48:00.010+02:00

Aproveitando a proxección do documental "O segredo da Frouxeira" e a visita de Paulino Gasalla, preparamos na biblioteca a exposición "Arredor do 36".

Deixamos aquí unha imaxe e un glogster coa selección de libros que fixemos.

O segredo da Frouxeira

2011-05-22T16:27:00.013+02:00

O xoves 12 de maio proxectouse no salón de actos o documental "O segredo da Frouxeira" . O documental, que forma parte da Memoria Histórica e ten unha enorme carga dramática, é o resultado dunha longa investigación levada a cabo por Paulino Gasalla.

Trala proxección, o propio Paulino Gasalla comentou co alumnado de 1º e 2º de BAC como o fortuito achado na casa da súa sogra duns recortes de periódico levouno a iniciar unha minuciosa investigación co obxectivo de esclarecer a traumática desaparición de Alejandro Porto Leis, o último alcalde republicano de Serantes en Ferrol. "O segredo da Frouxeira" profundiza na historia de catro familias relacionadas entre si por un feito dramático silenciado durante décadas. Alejandro Porto Leis foi asasinado polo franquismo en 1938 xunto con Jesús Miño, Abelino Landeira e Modesto del Río, os tres veciños que o axudaron a ocultarse. Paulino reflexionou co alumnado sobre a importancia de atopar os cadáveres dos desaparecidos durante a represión franquista. Despois de máis de 70 anos, non é o afán de vinganza o que move as familias, senón unha necesidade de saber a verdade, para poder pechar esta vergonzante etapa da Historia de España.

Equipo de Dinamización Lingüística en Monforte coa Real Academia Galega

2011-05-20T08:55:00.013+02:00

Con motivo da celebración do Día das Letras Galegas, 46 alumnos e alumnas, 7 profesoras e 1 profesor do noso centro, o martes día 17 de maio, asistimos á sesión extraordinaria e pública da Real Academia Galega que se celebrou en Monforte de Lemos para honrar e lembrar a figura e a obra de Lois Pereiro. Cabe salientar que o noso alumnado gozou coñecendo e, mesmo, falando con algúns dos académicos e académicas presentes no acto.

Despois dun xantar no campo, pola tarde visitamos a tumba do poeta en Santa Cristina de Viso ( O Incio), onde os rapaces e rapazas recitaron poemas do poeta homenaxeado. Ademais, Brais González, alumno do noso instituto e compositor de rap, interpretou un tema da súa autoría composto sobre textos de Lois Pereiro.

Salvando libros no Día das Letras Galegas

2011-05-17T19:50:00.008+02:00

Un grupo bastante numeroso de bibliotecas escolares de Galicia participou nesta iniciativa de salvar libros escritos en galego e por autores galegos.

O proxecto, ao que tamén se sumou o noso centro, inspirouse no libro Fahrenheit 451 de Ray Bradbury.

Esta é a escolma de libros salvados polo centros de educación Infantil

Open publication - Free publishing - More biblioteca

Estos son os libros que salvaron os centros de Educación Primaria

Open publication - Free publishing - More biblioteca

E esta é a escolma de libros que salvaron os centros de Ensino Secundario e algúns persoeiros relacionados co mundo das letras e da cultura

Open publication - Free publishing - More carteles

Desde aquí queremos felicitar a Jaime Eizaguirre Santillán, ex-alumno do IES Sánchez Cantón, polo magnífico deseño dos cartaces nos que salvamos os nosos libros, e darlle as grazas polo seu desinteresado traballo.

Moitísimas grazas tamén ao IES LUIS SEOANE DE PONTEVEDRA e a ESCOLA UNITARIA DE VIDE polo enorme esforzo de coordinar a todas as bibliotecas escolares de Galicia.

El bosque animado...e a biblioteca tamén

2011-05-08T22:31:00.008+02:00

A tarde do 29 de Abril, o grupo de 3º,4ºe BAC internámonos na Fraga galega de Cecebre para saber dos amores de Geraldo e Hermelinda,dos sufrimentos de Pilara...coñecer algunha alma en pena como Fiz de Cotovelo e ó ladrón Fendetestas que aparecen no maravilloso libro " El bosque animado" de Wenceslao Fernández Flores.

Vimos tamen a película que basada neste libro filmou José Luis Cuerda no ano 1987.
http://youtu.be/iC8abDI4QF8

E rematamos a tarde celebrando o cumpreanos da nosa compañeira Paloma:"cumpreanos feliz...e que cumpramos moitos mais no club de lectura" .

Xornada de sendeirismo e libros en Sarria

2011-05-02T23:58:00.005+02:00

´

O último xoves de marzo,día 31, fomos ata Sarria para celebrar co club " O xograr lector" o ano dos bosques e comentar o libro " A miña planta de laranxa lima "de J. Mauro de Vasconcelos.

A xornada, perfectamente organizada polos compañeiros/as de Sarria, tivo dúas partes:

_ As 13h esperábannos para iniciar unha fermosísima ruta de senderismo pola zona das Aceas, donde tamen compartimos o xantar.

_ Xa de volta, entramos na Biblioteca do IES Xograr Afonso Gómes para facer algunhas actividades en equipos ( dous integrantes de cada instituto ) ,comentarios e tamen ver un video do libro.

Ledos coma cucos,regrasamos a Lugo!

Gracias " O xograr lector" polo ben que nos tratastes!

Nanotecnología

2011-05-02T02:36:00.005+02:00

"Nanotecnología"

(Presentación elaborada por alumnado de 1º de Bacharelato e exposta na Semana da Química)

Una Historia de la Alquimia

2011-05-02T02:33:00.004+02:00

"La alquimia en Europa en la Edad Media: la búsqueda de la Piedra Filosofal"

(Presentación elaborada por alumnado de 3º de ESO e exposta na Semana da Química)

Conmemoración da Semana Internacional da Química

2011-05-02T02:24:00.004+02:00

Na semana do 11 ó 15 de abril, o departamento de Física e Química realizou unhas actividades para conmemorar o Ano Internacional da Química 2011 no noso instituto. Celébrase este ano, xa que se cumpre un século da concesión do Premio Nobel de Química a María Slodowska Curie, científica polaca coñecida polos seus descubrimentos sobre a radiactividade.

Entre as actividades desenvolvidas cabe destacar a realización de experimentos de Química recreativa para alumnos de 1º e 2º da ESO do centro, a cargo dos profesores do departamento Marina García e José Manuel Traseira. As actividades realizáronse no Salón de Actos do centro e fixéronse 4 experiencias sobre reaccións químicas espectaculares que cautivaron ós alumnos.

Asemade, leváronse a cabo por parte do alumnado varias presentacións e exposicións de diferentes partes da Historia da Química: os alumnos de 3º ESO, 4º ESO e 1º BAC elaboraron uns fantásticos traballos que expuxeron no Salón de Actos, apoiados por unhas presentacións en Powerpoint. Os iremos presentando en entradas posteriores neste blog.

Realizouse tamén a proxección dun vídeo sobre a importancia da Química na sociedade actual.

Deseñouse un cartel conmemorativo do Ano Internacional da Química, por parte do alumno artista de 3º ESO Jordi Capellades:

(Jordi Capellades posa co cartel que realizou para o evento)

Finalmente, unha reflexión: lembrade que todos nós somos fillos da Química.

23 de abril, Día do Libro

2011-04-23T15:48:00.010+02:00

Como todos os anos desde 1995, cada 23 de abril celebramos o Día Mundial do Libro e os Dereitos de Autor.

A UNESCO, co obxectivo de fomentar a lectura, elixiu esta data en recordo do falecemento de dous grandes figuras da Literatura Universal, Miguel de Cervantes e William Shakespeare.

Para conmemorar este ano o Día do Libro, o poeta lalinense Carlos Negro agasallou ás Bibliotecas Escolares de Galicia o poema titulado "O lugar de lectura". Con el a Consellería de Educación editou este práctico marcapáxinas.(Dobrar en sentido lonxitudinal)

Unha illa de luz na xema dos dedos.

Unha porta sempre entreaberta.

Unha duna cara ao vento.

Unha nube sobre a herba.

Unha casa encantada.

Unha laranxa do paraíso.

Unha pousada no inferno.

Unha man e unha fouce.

Unha bufanda colorada.

Unha alfombra no ceo.

A pulga e o xigante.

A rosa e o cravo.

A serpe e a mazá.

A fonte e o cervo.

A flor de candea.

A fenda do espello.

A lúa na boca.

A tona do tempo.

A pedra e o canto.

A voz e o silencio.

O lugar da lectura.

Carlos Negro

Un libro aberto é un cerebro que fala; pechado, un amigo que espera; esquecido, un alma que perdoa; destruído, un corazón que chora.

Proverbio hindú

"El Quijote" en Internet

2011-04-23T14:52:00.014+02:00

Recientemente ha sido finalizado y presentado en la BNE "El Quijote Interactivo", una digitalización que reproduce con total originalidad la "editio princeps" de "El Ingenioso hidalgo Don Quijote de la Mancha", la de Madrid de 1605 (dedicada al duque de Béjar y editada en la imprenta de Juan de la Cueva) y la de 1615, considerada la 2ª parte de la obra y continuación de las aventuras del hidalgo, ambas conservadas en la Biblioteca Nacional.

Alrededor de esta digitalización se ha elaborado un detallado portal interactivo con mapas, itinerarios, datos y música de la época y cubiertas de obras relacionadas y otros muchos elementos que facilitan la comprensión del libro. Se permite también superponer y comparar una transcripción del texto original y las grafías del siglo XVII, al castellano moderno.

El proyecto, una auténtica "joya editorial" ha reunido los esfuerzos de bibliotecarios, expertos en literatura, arte y música de la época con la de programadores y diseñadores gráficos, con el objetivo de acercarlo al gran público, así como a investigadores y estudiosos de todo el mundo.
Te animamos a sumergirte en la experiencia de hojear alguna de sus 1282 páginas de una manera sencillísima. Haz la prueba, pinchando en la imagen o en el siguiente enlace.

http://quijote.bne.es/libro.html?pagina=1-000

Sofía, unha vaca toliña pola música

2011-04-22T15:55:00.007+02:00

Este contiño de Geoffrey Pennart para nenos de entre 6 e 8 anos ten como protagonista a unha vaca concertista, que conseguirá cumprir o seu soño grazas á súa constancia e a pesar do rexeitamento e discriminación que sofre debido ao seu aspecto físico.

Un conto que, con gran sentido do humor e unhas simpáticas ilustracións, trata o tema da intolerancia.

Afortunadamente non todos somos iguais, nin falta que fai; a diversidade sempre é sumamente enriquecedora.

Encontros do PLAMBE 2011

2011-04-18T21:16:00.007+02:00

Os pasados 7 e 8 de abril tiven o privilexio de asistir aos Encontros de Plan de Mellora de Bibliotecas escolares organizados pola Asesoría de Bibliotecas escolares.

O primeiro día tan só fomos convocados os 79 responsables da dinamización das bibliotecas recentemente incorporadas ao PLAMBE no curso 2010-2011. O último día citáronnos aos 374 centros que xa formamos parte de este gran grupo.

Parabéns ás asesoras, Pilar Sampedro e Cristina Novoa, que, coma sempre, demostraron o seu saber facer e actuaron en todo momento como auténticas e perfectas mestras de cerimonias. Moitísimas grazas por brindarnos a ocasión de coñecer a compañeiros doutros centros e poder compartir con eles inquietudes, actividades e proxectos relacionados con este mundo tan absorbente e engaiolante das bibliotecas.

O programa foi realmente intensivo e resúltame moi difícil transmitirvos todo o que alí aprendín. Se queredes podedes entrar como convidados neste enlace e consultar todos os materiais que tan xenerosamente expertos e compañeiros doutros centros poñen á nosa disposición e que nos axudarán, sen dúbida, a mellorar.

O broche final correu a cargo de Xosé Neira Vilas. A elección deste gran escritor para clausurar estes encontros non podía ser máis acertada, tendo en conta que este ano se celebra, como sabedes, o 50º aniversario da publicación da súa obra máis emblemática, Memorias dun neno la brego.

Nunha aparente improvisada charla, Xosé Neira Vilas, foi revelando con ironía, retranca, xenialidade e unha enorme simpatía e sabedoría, detalles biográficos da súa relación co libro, a literatura ou as bibliotecas.

Déixovos aquí algunha das perlas que puidemos escoitar da boca do entrañable Neira Vilas e que fielmente recollen no blog As zocas faladoras os nosos compañeiros do IES de Poio.

Lembranzas da súa infancia en Galicia

"Eu tiña que andar oito quilómetrosida e oito quilómetros de volta para ir á escola tres días á semana, e non por un camiño asfaltado, polo medio do monte, con pedras e cheo de lama"...

"Os xoguetes faciámolos nós polo que non os rompíamos e ade´mais aprendíamos a usau as ferrametas" ...

"Eu pedía libros a Barcelona para poder ler e escondíaos debaixo das tellas"

"Aos 16 anos traballaba nun aserradeiro"

Lembranzas da súa etapa como emigrante en Arxentina

"Quería estudar e estudei xornalismo" ...

"Lía moitos libros que logo lle daba a dúas escolas"..."Anisia e eu fundamos unha distribuidora do libro galego, Follas Novas, co fin de difundir o libro galego en toda América; co 30% que lle gañabamos aos libros, invertiámolo en libros galegos que ían ás bibliotecas"...

Lembranzas dos anos que viviu coa súa dona Anisia en Cuba

" En Cuba había daquela 6, 4 libros por habitante"...

"Alí os mestres teñen moito prestixio social..., non hai suspensos; o suspenso é un problema de honor para o mestre e todos colaboran para que non se suspenda"...

Comentarios do seu libro Memorias dun neno labrego

"Memorias está considerado o primeiro libro da literatura infantil e xuvenil pero non foi escrito para nenos"...

"Eu dixen: "hai que contar isto, o drama dos campesiños". Os libros que daquela había sobre campesiños daban unha visión chocalleira dos mesmos"...

" Eu tiña trinta anos. Escribía nun caderno as historias de Balbino, igual que Balbino. Escribía nun café e o primeiro lector de Memorias foi o camareiro daquel café; o segundo foi Anisia e o terceiro Rafael Dieste"...

"Hoxe en día está publicado en múltiples idiomas e hai tamén unha edición en Braille para cegos publicada pola ONCE de A Coruña"...

E para rematar dúas frases que demostran a súa sinxeleza e o seu gran sentido do humor

"Eu sempre andei entre libros; acariñaba os libros como un avaro acariñaba as moedas"...

"Agora recibo homenaxes e discursos. Este tipo de discursos faise cando o autor está morto e eu pido disculpas porque estou vivo"...

E se queredes, tamén podedes deleitarvos cunha ampla reportaxe fotográfica que nos facilita O Segrel do Penedo do IES de Fene.

IN MEMORIAM

2011-04-14T18:29:00.009+02:00

Manolo (Orientador do Leiras)

“ O mais atroz das cousas malas da xente mala é o silencio da xente boa”

(Ghandi)

Manolo Blanco Rábade ,un home bo

Me sirve y no me sirve...

La rabia tan sumisa,

tan débil, tan humilde,

el furor tan prudente

no me sirve.

No me sirve

Tan sabia tanta rabia.

Me sirve tu mirada

que es generosa y firme,

y tu silencio franco sí me sirve.

Me sirve la medida de tu vida.

Me sirve tu futuro

que es un presente libre,

y tu lucha de siempre

sí me sirve.

Me sirve tu batalla

sin medalla.

Me sirve la modestia

de tu orgullo posible,

y tu mano segura

sí me sirve.

Me sirve tu sendero,

compañero.

(Benedetti)

Día Mundial do Autismo

2011-04-04T22:18:00.002+02:00

Con motivo da celebración do Día Mundial do Autismo, colocamos na biblioteca unha selección de libros sobre este tema.
O autismo é un trastorno do desarrollo que afecta principalmente á comunicación. Estes libros poden axudarnos a coñecer mellor ás persoas que padecen esta dificultad, comprendelas, respetalas e axudalas.

2011-04-03T22:47:00.012+02:00

O sábado 2 de abril foi o "Día Mundial de Concienciación sobre o Autismo". Para celebralo, no noso centro desenvolvéronse diferentes actividades ao longo da semana anterior. Entre elas, o alumnado de 1º de ESO do noso centro asistiu o mércores 30 a unha charla-coloquio sobre o autismo, impartida por Dona Otilia Vázquez Mouriz.

En 1968, Otilia Vázquez comezou traballar nun proxecto para que nenas xordas estudaran o bacharelato. Os dez últimos anos adicounos en especial a traballar con nenos con trastorno do espectro autista. Estivo destinada no CEIP "A Ponte", de Lugo, onde hoxe hai unha aula permanente para a atención a este tipo de alumnado. Otilia é hoxe un referente para outros profesores/as que traballan con autistas.

Precisamente, uns días antes de recibila no noso centro Otilia foi galardonada co premio "Entre Mulleres" do Concello de Lugo, pola súa dedicación entusiasmada ao traballo con este tipo de alumnado.

Otilia é, verdaderamente, unha MESTRA (con maiúsculas). Soubo gañarse a atención permanente dos rapaces e rapazas que tiña diante dela. Cunha linguaxe sinxela e directa, amosoulles a realidade dos seus compañeiros autistas: que poden esperar deles, como poden relacionarse, en que podemos axudarlles (e en que nos poden axudar eles a nós).

Escoitándoa, aprendimos a apreciar o que estes compañeiros poden ofrecernos. Por exemplo, sinceridade: nunca andarán con eufemismos connosco e, se teñen que decirnos o que non lles gusta de nós, nolo dirán sen rodeos.

E outra cousa ben importante: que todos (e non só eles) somos diferentes, con cadanseus gustos, preferencias e manías. Non hai dous persoas iguais.

Moitas grazas, Otilia, por vir a amosarnos todo iso. Volve cando queiras.

Enlaces relacionados:

Blog Adaptaautismo
Presentaciones de Otilia
Preguntas frecuentes sobre el autismo (Ministerio de Educación)
El espectro autista (Junta de Andalucía)
El espectro autista (Wikipedia)

Mulleres Nobel: unha visión non sexista da ciencia

2011-04-03T19:51:00.011+02:00

A presenza da muller no mundo da ciencia foi moi escasa ao longo da historia. As mulleres tiveron que salvar múltiples obstáculos para que o seu labor fose recoñecido e se situase ao mesmo nivel que a dos seus compañeiros homes.

Unha boa proba disto son os Premios Nobel. Entre 1901 e 2009 só quince Premios Nobel de Ciencias foron outorgados a mulleres.

Podemos comprobalo na exposición que agora nos chega grazas a xenerosidade de Pilar Arias Crespo e Montserrat Nogueira Álvarez, profesoras do Departamento de Bioquímica e Bioloxía Molecular da Universidade de Santiago.

Esta exposición, que tan amable e desinteresadamente nos ceden, formou parte da Semana da Ciencia en novembro de 2010, e permanecerá no corredor central do noso instituto do 1 ao 15 de abril.

A exposición "Mulleres Nobel: unha visión no sexista da Ciencia" consta de 15 paneis dedicados ás mulleres laureadas co prestixioso Premio nas áreas de Física e Química, Fisioloxía ou Medicamento. O obxectivo é dar a coñecer cunhas breves pinceladas a biografía de cada unha delas, o seu labor investigador e as repercusións que na vida cotiá tiveron e teñen os seus logros científicos.

Infinitas grazas ao equipo da biblioteca do IES Xohán Montes e, moi especialmente á miña amiga Teresa Vázquez Cadavide, por facilitarnos o contacto, e a Begoña do IES Fernado Esquío que desde Neda fixo o traslado da exposición. Sempre será un pracer colaborar convosco en calquera actividade conxunta que poida xurdir.

Taller de grullas na biblioteca

2011-03-29T12:23:00.002+02:00

No centro somos moitos os que lles pareceu boa idea colaborar co proxecto 1000 grullas que tenta enviar un pouquiño de esperanza ós afectados polo terremoto e tsunami de Xapón.

Para todos aqueles que queirades adicar algo do voso tempo de lecer a este proxecto, na biblioteca organizamos un Taller de grullas:

Se xa sabes facer as grullas, ven botar unha man ós que non saben, e se queres aprender, aqui somos moitos dispostos a axudarte.

Neste enlace tedes toda a información do proxecto

http://las1000grullas.wordpress.com/about/

Exposición "Mitos, contos e lendas"

2011-03-27T19:34:00.005+02:00

Este mes estamos traballando desde diferentes materias (Historia, Lingua e Literatura castelá, Lingua e Literatura galega, Historia e Grego) con mitos, contos e lendas. Por iso, baleiramos algúns dos estantes da biblioteca para pór a disposición de toda a comunidade educativa os fondos que hai nela sobre este tema.
Como xa sabedes, podedes levar en préstamo calquera dos libros alí expostos.
Esperamos que esta selección sexa do voso agrado e que gocedes coa lectura.

Lipdub do IES Fontem Albei da Fonsagrada

2011-03-21T21:21:00.010+01:00

O Equipo de Dinamización da Biblioteca do IES Fontem Albei da Fonsagrada acaba de facer o seu primeiro lipdub. A dramatización da canción "The Final countdown" de Europe é a excusa para realizar unha actividade de formación de usuarios co obxectivo de formar aos lectores no manexo da CDU (Clasificación Decimal Universal), o sistema para clasificar os libros dunha biblioteca por materias. Este código asocia un número e un color a cada materia.

http://

Sen dúbida, pasárono xenial. Pero tamén tiveron que traballar moito para conseguir este resultado. Noraboa compañeiros.

Festival de Teatro Grecolatino

2011-03-19T22:51:00.014+01:00

Os días 14 e 15 de marzo participamos como espectadores na XI edición do Festival de Teatro Grecolatino organizado por SEECGalicia e patrocinado polo concello de Lugo.

Un ano máis, a experiencia foi moi positiva.

O alumnado de 1º e 2º de BAC asistiu no auditorio Gustavo Freire á representación de dúas traxedias gregas, "Edipo Rei" de Sófocles e "Medea" de Eurípides, e unha comedia latina, "Miles gloriosus" de Plauto. Os integrantes do club de lectura Lecturas Leirantes tamén puideron rir e gozar coa adaptación que o grupo Parrocha fixo da obra plautina.

Aquí deixámosvos fotos dalgunhas das esceas da divertida comedia.

Premio para Nerea Capón

2011-03-15T09:45:00.008+01:00

Nerea Capón de 4º de ESO, vén de recibir o 1º premio de narrativa do concurso "Entre iguais" convocado polo Concello de Lugo polo seu traballo MOZART.

PARABÉNS A NEREA POLO PREMIO E POLO MAGNÍFICO TRABALLO.

Moitísimas grazas por permitirnos publicar o relato.

Open publication - Free publishing - More igualdad

Novidades febreiro

2011-02-21T20:37:00.003+01:00

Agustín Fernández Paz no día dos namorados

2011-02-15T13:58:00.005+01:00

O 14 de febreiro, no recreo, un grupo de namorados/as de Agustín Fernández Paz rendemos a nosa particular homenaxe ao autor, lendo "Esa estraña lucidez", un dos dez relatos que compoñen o seu libro O único que queda é o amor.

Unha conmovedora historia de amor máis aló da morte cun can como protagonista.

Déixovos aquí algunhas fotos que se tomaron durante a lectura.

Exposición e vídeo de Agustín Fernández Paz

2011-02-10T21:09:00.011+01:00

O Centro de Documentación de Escritores Galegos pon a nosa disposición varios vídeos nos que Agustín Fernández Paz fala sobre as súas inquedanzas literarias. Se queres velo, preme aquí.

Tamén podes achegarte ata a biblioteca para ver a exposición que alí temos sobre o autor.

Unha biografía

2011-02-10T19:44:00.010+01:00

AGUSTÍN FERNÁNDEZ PAZ (Vilalba) sempre di que unha das cousas que máis lle gusta neste mundo é que lle conten historias: de viva voz, nas páxinas dun libro ou dun cómic, na escuridade dun cine ou no brillo frío de calquera pantalla. E cando se lle pregunta onde están as raíces deste seu amor polos mundos de ficción, a resposta que dá é que todas elas veñen dos anos da súa infancia: dos relatos de medo que escoitaba a carón do lume, nun tempo no que aínda non chegara a televisión; dos libros de aventuras que había na pequena biblioteca de seu pai, se é que se lle pode chamar biblioteca a dos estantes ateigados de libros, onde Jules Verne convivía con Edgar Allan Poe ou Wenceslao Fernández Flórez, dos seriais que escoitaba pola radio, como Superman ou Unha princesa de Marte; dos moitos cómics que lía, onde descubriu a súa fascinación polos heroes de papel; das innesquecibles películas de cine que tanto o atraían, e ás que, anos despois, homenaxearía en Amor dos quince anos, Marilyn, un libro escrito no centenario do nacemento do cine... Nos anos grises da posguerra, aqueles mundos feitos con imaxes e palabras axudaban a vivir e facían medrar o territorio sen límites da imaxinación.

Así naceu a súa afección polo cine e polos libros, que xa nunca o abandonou. Pero Fernández Paz sabe ben que todas as persoas ás que lles gusta ler acaban sentindo tamén o desexo de escribir, porque a lectura e a escritura son inseparables como as dúas cars dunha mesma moeda. Quizais por iso tamén el crea historias e vidas no papel, empregando as palabras como únicos materiais. Mensaxes na botella, como lle gusta dicir dos seus libros, que bota ao mar desexando que alguén os recolla e lea o seu contido.

Entre os numerosos títulos que escribiu ata agora, atopamos unha variedade temática: dende narracións de medo (Cartas de inverno, Aire negro) ata novelas de anticipación (O centro do labirinto), pasando por outros que recollen historias realistas (Trece anos de Branca, Rapazas). Unha característica presente nunha boa parte dos seus libros é a irrupción dalgún elemento fantástico no mundo real (Cos pés no aire, As flores radiactivas, Amor dos quince anos, Marilyn, Avenida do Parque, 17, As fadas verdes), moitas veces adobada cunha abondosa carga de ironía e humor (O laboratorio do doutor Nogueira, Contos por palabras)... Polo seu libro O único que queda é o amor recibiu o Premio Nacional de Narrativa no 2008.

A Agustín Fernández Paz gústalle dicir, usando as palabras do noruegués Jostein Gaarder, que el está empeñado nunha loita explícita por conseguir un status digno para a literatura infantil e xuvenil. Aínda que os seus libros aparecen en colccións dirixidas á mocidade, o certo é que escribe as súas historias coa intención de que tamén lles interesen ás persoas adultas. Quizais por iso ten sempre presentes, a xeito de guía, as palabras que Don Álvaro Cunqueiro escribiu en 1963: "O propio dun escritor é contar claro, seguido e ben. contar a totalidade humana, que el pola súa parte ten a obriga de alimentar con novas miradas, E se hai algo que estea claro nesta dieta é que o home precisa en primeiro lugar, coma quen bebe auga, beber soños".

A súa obra, merecente de abundantes premios e recoñecementos (Merlín, Lazarillo, Edebé Juvenil, Rañolas, Raíña Lupa,Protagonista Jove, Lista de Honra do IBBY, etc.), e amplamente traducida a diversas linguas, constitúe un referente incuestionable da literatura infantil-xuvenil galega.

Podemos conseguir un mundo mellor

2011-02-06T23:45:00.004+01:00

A propósito do Día Escolar da Non Violencia e da Paz, deixamos aquí un vídeo que traballamos na clase. Poderíamos deixar tamén a letra coa súa traducción, pero as imaxes o dicen todo.

Esperamos que entre todos, algún día, logremos transformar este mundo. Podemos comezar por seguir o exemplo deste home.

Día da Paz no Leiras Pulpeiro

2011-02-02T13:44:00.006+01:00

O día 30 de xaneiro celebrábase o Día Escolar da Non Violencia e da Paz (DENIP): ese día fai 63 anos que morreu Mahatma Ghandi. "Mahatma" significa "gran alma", e iso precisamente é o que tiña Ghandi, un corazón no que cabemos todos. Levou ao seu pobo á victoria rexeitando a violencia e a loita armada, instaurando métodos de loita social pacíficos pero non menos efectivos.

No instituto celebramos este día o 31 de xaneiro, dado que o 30 foi domingo. Os alumnos do centro deron lectura aos Haikus que tiñan preparado ao longo dos días previos. Eses haikus, coa súa sinxeleza, abren unha xanela a través da que se pode ollar un mundo de paz, unha sociedade sen violencia, uns desexos dun futuro mellor para eles mesmos.

(Preme no libro para poder lelo a un tamaño máis cómodo e poder escoitar a preciosa música que os acompaña)

Open publication - Free publishing - More alumnos

2011 Ano dos Bosques

2011-02-02T11:06:00.010+01:00

A vida de mil 600 millóns de persoas depende directamente dos bosques do Planeta, cuxa protección e conservación é, para a ONU, o principal obxectivo ambiental do ano que comeza.

Por iso, o lema elixido para a campaña é "Os bosques, para as persoas", co obxectivo de resaltar o papel fundamental dos seres humanos na protección dos bosques, fogar de 300 millóns de persoas no mundo, especialmente pobos indíxenas que están tamén ameazados.

Nós para sumarnos á celebración estamos a ler:

Visita á exposición Luís Seoane

2011-01-27T23:34:00.001+01:00

“Cremos que o que uniformiza diminúe ao ser humano, que as diferenzas culturais enriquecen a humanidade. Nós queremos axudar a enriquecer ao mundo coa nosa diferenza.”

Luís Seoane.

Tras desta frase atopamos unha das figuras máis emblemáticas da arte contemporánea galega.

Un home co corazón dividido entre dúas terras. Un home quen de arriscar todo por un ideal.

Un ilustrado, un filántropo.

Fillo de emigrantes galegos, naceu en Bos Aires (Arxentina). Voltou a Galicia cando aínda era un neno. Cursou os seus estudos na Coruña, para posteriormente graduarse en dereito pola universidade de Santiago de Compostela. Foi alí onde comezou a súa actividade política e cultural, e onde pintou o seu primeiro cadro.

Debuxante, poeta, pintor e escritor; destacou en practicamente tódolos ámbitos artísticos pola súa transgresión e visión vangardista. Promoveu numerosas empresas culturais co fin de revivir a antiga nación de Breogán, que até aquel entón permanecera durmida baixo as garras da represión.

Hoxe, trinta e dous anos despois da súa morte, Luís Seoane segue a ser unha excelencia histórica; latente na cultura e no corazón dunha antiga terra asoballada quen grazas á súa contribución e á de moitos outros, foi capaz de rexurdir das súas cinzas coma unha ave fénix.

Con motivo do aniversario da centuria do seu nacemento, dedícaselle unha exposición: “Luís Seoane, cen por cen: 100 anos > 100 lugares”, que percorrerá as principais cidades galegas. Concebida como unha biografía gráfica, esta mostra conta con numerosas pezas donadas pola propia esposa do artista. Unha colección única, dividida en cen pasos; cen pasos destinados a propagar a vida do pintor ó longo de toda a nación.

A súa obra abarca múltiples facetas, representadas nesta biografía visual polas súas creacións máis significativas. Os seus cadros, nos que destacan as colores planas e os trazos grosos, nunha orixinal recreación das vidreiras das igrexas. Debuxos cargados de personalidade e sentimento patriota. Exquisitas pezas de cerámica, que xunto coa colaboración de Isaac Díaz Pardo, estarían destinadas ó rexurdimento de Sargadelos.

Unha exposición única aínda asentada na cidade d'A Coruña, que testemuña como o mito se converte en realidade: existe vida despois da morte.

Ao menos, no caso de Seoane, el segue vivo. Máis vivo que nunca.

Nerea Esmoris. 2º BAC

Afondamos na historia. Visita á casa de Casares Quiroga

2011-01-27T23:25:00.003+01:00

Unha morna mañá de inverno, espertando aínda a cidade das luces e cunhas paisaxes arquitectónicas fabulosas chegamos a A Coruña Ó poñer os pés no asfalto contemplamos o monumento ó gran Curros Enríquez, o noso gran bardo, obra do escultor Asorey.

Na Rúa Real, ateigada de comercios e cafeterías, aínda sen moita xente, atopamos, para sorpresa nosa, o escritor Manuel Rivas a quen lemos e admiramos moito. Tentamos falar con el, pero tiña présa, así que tivemos que conformarnos só con observalo e despedirnos. De todos os xeitos un saúdo ó pluriempregado traballador pola lingua e cultura galega. Continuamos por varias rúas da cidade ata chegar á Rúa Panaderas, onde se atopa a casa dun persoeiro da intelectualidade e política da época: Santiago Casares Quiroga (A Coruña, 1884- París, 1950). Foi un político galeguista e avogado. Chegou a ser presidente do goberno da II República. No 1931 formou parte do primeiro gabinete republicano e converteuse en ministro da gobernación. Foi o máximo líder galego, elixido deputado a Cortes pola Coruña e encargouse de fusionar a Organización Republicana Galega Autónoma (ORGA) coa Esquerda Republicana de Manuel Azaña. Tamén destaca o seu labor na elaboración do Estatuto de Autonomía, referendado por maioría popular en 1936.

Ó entrar na casa comeza a ulir a historia, a galeguismo e entendes por que ten sentido ter esta identidade cultural. A casa, dividida en tres pisos, é unha constante ascensión cultural e histórica, a presentación dun personaxe clave na República, e con gran influencia nos pensadores de onte, pero tamén de hoxe.

A entrada está reservada para exposicións de diversos artistas de hoxe, o cal demostra que este espazo foi e quere ser un centro de difusión cultural. Quen sabe, quizais algunha persoa relacionada co noso instituto chegue a expoñer alí algún día. Animádevos os pintores, fotógrafos...

A primeira planta está dedicada ó Dr. Casares Quiroga, á historia da II República e os seus responsables, ós seus logros e todo o que conseguiron. O gran Azaña, os mártires Galán e Hernández, Casares e outros. Como anécdota hai un retrato de Ramón Franco, que desgraciadamente non puido facer bo do seu irmán Francisco. Representacións gráficas da II República acompañadas dunhas fermosas cores vermella, amarela e violeta. Moito temos que aprender.

No piso superior atópase a biblioteca, inmensa, que sen libros, segue a desprender sabedoría e coñecementos. A continuación, o baño no que se pode oír o asubío de Casares, tal e como acostumaba facer cando se barbeaba, e un cuarto dedicado á súa primoxénita, Esther Casares.

A derradeira planta, construíuse tralo nacemento da que sería a célebre actriz María Casares, e está dedicada á súa figura. Esta muller viviu en París moitos anos, onde estaba exiliado seu pai.

Despois da Guerra Civil, Casares ten que marchar a Francia, onde morrerá en 1950. A súa casa foi espoliada por falanxistas, que pobres deles, non souberon ou non quixeron preservar toda a cultura que estaban a estragar.

A visita final da casa lévanos ó seu xardín, onde se atopa unha figura a tamaño real de Casares, sentado nun banco, como tantas veces estivo, pensando sobre a súa muller Gloria, as súas fillas, sobre todo o que defendía e sobre o que acontecía na súa vida.

Hoxe, mirando a túa figura só direi: “grazas por todo o que fixeches e todo o que nos legaches. Grazas”.

David G. Boyero. 2º BAC

Libro recomendado Febreiro

2011-01-26T11:27:00.004+01:00

Khoedi, unha nena de dez anos, ten que deixar a súa casa de Casamence, unha rexión ao sur do Senegal, para instalarse en Vigo, a cidade onde o seu pai xa leva varios anos emigrado. Na nova terra, a vida é dura para Khoedi: non coñece a ninguén e todo lle resulta diferente. Está en Europa, mais a súa cabeza e o seu corazón continúan en África. O único lazo entre a nova realidade e o mundo que deixou atrás é a Lúa que brilla no ceo polas noites, que serve, ademais, para marcar o paso do tempo.

Lúa do Senegal, a primeira novela que Agustín Fernández Paz publica tras a obtención do Premio Nacional de Literatura Infantil, aborda o tema da emigración, ese drama que supón abandonar o propio país e marchar a outro para poder traballar e vivir con dignidade.

Lúa do Senegal foi ilustrado por Marina Seoane quen conseguiu adentrarse na alma da protagonista, poñerlle rostro ao resto dos protagonistas e reflectir as paisaxes de dous mundos tan diferentes.

El viaje de María

2011-01-23T18:06:00.006+01:00

El viaje de María é unha curtametraxe de animación realizado polo debuxante Miguel Gallardo que, con tenrura e sinxeleza, axúdanos a comprender mellor o universo particular dos autistas.

Miguel Gallardo tamén é o autor da novela gráfica María y yo que foi galardoada co Premio Nacional do Cómic, e que deu orixe a película do mesmo nome.

María y yo, finalista na sección de documentais dos Goya 2011, conta a historia da viaxe que fai a Canarias un pai coa súa filla autista.

Las mujeres sabihondas

2011-01-16T19:05:00.014+01:00

O pasado 14 de xaneiro os alumnos de 2º, 3º e 4º da ESO asistiron á representación de "Lles femmes savan tes" no Colexio San José. Trátase dunha adaptación da obra de Molière en lingua francesa con algunhas secuencias en español para facilitar a comprensión. Está especialmente dirixida a alumnado da ESO. Eina d´escola, empresa organizadora destas actividades, facilita unha guía didáctica para poder preparar a obra na aula con antelación.

A actividade foi valorada moi positivamente polo alumnado.

Nos fondos da nosa biblioteca temos algunha das máis importantes obras do dramaturgo e actor francés: Tartufo, O avaro e O enfermo imaxinario.

Grandes escritores premiados no 2010

2011-01-10T00:23:00.007+01:00

Aquí tedes unha terna de grandes escritores. Todos eles teñen algo en común: foron galardonados cun importante premio no ano 2010. Non descubrimos nada, soamente os poñemos xuntos aquí, no mesmo andel, e vos recomendamos algunhas das súas mellores obras:

"Donde nadie te encuentre", Premio Nadal 2011

2011-01-07T14:32:00.021+01:00

A famosa creadora da saga da detective Petra Delicado foi obsequiada a noite de Reis co pretixioso Premio Nadal pola súa novela Donde nadie te encuentre.

Alicia Giménez Barlett recrea a personaxe de Teresa Pla Mesenger, a guerrilleira que na España dos anos 50 foi máis coñecida como "a maquis hermafrodita", alias A Pastora, Teresota ou Durruti.

Aínda que a novela está inspirada nesta personaxe real que inciou a súa vida como muller e acabouna como home -Florencio-, non é unha novela histórica senón unha novela de aventuras.

O interese de Alicia Giménez Barlett pola mítica maquis xurdiu xa na súa infancia, cando as nenas cantaban: "Viva a Garda Civil que atrapou á Pastora, muller de malos instintos, fea, mala e pecadora".

Ademáis da saga Petra D e licado, a gañadora do Nadal 2011 ten publicados ensaios, relatos e novelas entre as que destacamos as seguintes:

E se queres saber máis, pincha nos seguintes enlaces:

Web oficial da autora

Todo sobre Alicia Giménez Barlett en Lecturalia

Escritoras.com

Wikipedia

Entrevista

Actividades de animación á lectura

2010-12-20T19:03:00.002+01:00

Os vindeiros 21 e 22 de decembro desenvolveránse unha serie de actividades organizadas polo Equipo da Biblioteca en colaboración cos Departamentos de Lingua e Literatura castelá, Lingua e Literatura galega e o Equipo de Dinamización Lingüística.
As actividades encamiñadas a fomentar a lectura serán as seguintes:

Martes 21 de decembro

Na sala de usos múltiples

10:10: Actividade de animación á lectura: La Celestina (1º de BAC)
12:20: Actividade de animación á lectura: Queimamos os libros? (2º ESO)

Na biblioteca

13:30: Belén Regueiro, membro de Amnistía Internacional, comentará o libro Descalzas polas rochas e tratará o tema da violencia de xénero co alumnado do Club de Lectura de 3º e 4º de ESO e 1º de BAC e de Literatura Galega e Universal de 2º de BAC.

Mércores 22 de decembro

11:30-13:30: Obradoriro HIPHOP en galego conducido por Brais e Boyero.

GUÍA DE LECTURAS PARA NADAL

2010-12-20T13:19:00.005+01:00

Este é o tríptico con recomendacións de lecturas que preparou o Equipo da Biblioteca coa colaboración dos departamentos de Lingua castelá, Lingua galega e Inglés, e que vos entregaremos xunto co boletín de notas o vindeiro día 22.
O noso obxectivo é animar a toda a comunidade educativa a ler.
Aproveitamos para desexarvos un Feliz Nadal e un venturoso 2011.

Se queres ver o boletín en Issuu, segue este enlace.

A violencia de xénero

2010-12-15T23:59:00.000+01:00

Aquí tedes algunhas lecturas recomendadas sobre a violencia de xénero. Esperemos que algún día non sexa necesario escribir máis sobre ela, senón como unha mera lembranza do que nunca máis volverá a pasar:

Open publication - Free publishing - More xenero

ANA MARÍA MATUTE, PREMIO CERVANTES 2010

2010-12-12T20:14:00.013+01:00

La autora catalana ANA MARÍA MATUTE se convirtió este año en la ganadora del PREMIO CERVANTES, el más prestigioso en la literatura española, considerado como el Nobel español. Desde su creación en 1976 solo lo poseían otras dos mujeres, la filósofa María Zambrano y la poetisa cubana Dulce María Loynaz.

Con un total de doce novelas y varios volúmenes de cuentos, por los que había recibido otros importantes premios, se ha hecho acreedora de este reconocimiento a toda una vida entregada a la literatura, incluso desde su más tierna infancia.

Entre sus novelas destacamos:

"Pequeño teatro" (Premio planeta en 1954) es una interesante obra con un tono poético característico de la sensibilidad de la autora. Gira en torno a un teatro de títeres y a un adolescente desamparado que centra las pasiones de otros personajes, mostrando un mundo de odios y pequeñas miserias.

"La torre vigía" es una historia de iniciación y aprendizaje ambientada en la Edad Media, en la que un joven escudero acompaña a un caballero en sus actividades cotidianas y describe sus amores e ilusiones. Todo con una imitación del lenguaje y la vida medieval, que nos deja traslucir un perfecto conocimiento de los autores de esta época, sin perder atractivo para los lectores de hoy.

"Olvidado rey Gudú" , junto con la anterior y con "Aranmanoth" forma la trilogía medieval de la autora. Además de ser su preferida y la más ambiciosa, es una obra maestra de la "literatura fantástica". Narra el nacimiento y expansión del reino de OLAR: soledad, aventuras, poder, amor, magia, paisaje, y otros muchos elementos y temas hacen las delicias de los amantes del género. Para aficionados a las obras de Tolkien y obras de la literatura mítica en general.

Si quieres más información sobre la escritora pincha aquí.

Os Dereitos Humanos nos xornais

2010-12-08T14:20:00.003+01:00

O Equipo da Biblioteca proponvos que participedes na actividade “Os Dereitos Humanos nos xornais”, que se desenvolverá entre os días 10 e 21 de decembro e que consistirá en:

Ler os diferentes xornais en formato impreso ou dixital
Seleccionar as noticias que vulneren algún dos Dereitos Humanos
Colocar a noticia no panel do corredor central baixo o cartel do dereito contra o que atentan

A actividade ten como obxectivos fundamentais:

Fomentar o hábito da lectura diaria dos xornais
Aprender a seleccionar e contrastar informacións
Valorar os Dereitos Humanos
Rexeitar calquera forma de violación dos mesmos

¡Esperamos a vosa colaboración¡

O cazo de Lorenzo

2010-12-02T11:31:00.016+01:00

Con motivo da conmemoración do Día Internacional das Persoas con Discapacidade que se celebra o 3 de decembro, queremos que botedes unha ollada a seguinte presentación de diapositivas.

Isabelle Carriere, a autora deste conto infantil, recrea dun xeito simple e atractivo as dificutades ás que se enfrontan a miúdo os nenos diferentes.

(Para ver mellor os debuxos, poñede a presentación a pantalla completa)

El Cazo de Lorenzo

View more presentations or Upload your own.

Mamás y papás

2010-11-28T00:40:00.006+01:00

O pasado día 25 foi o Día internacional da loita contra a violencia de xénero.

No noso instituto lembramos ás mulleres matratadas repartindo lazos de cor violeta, concentrándonos no patio para permanecer durante un minuto en silencio e proxectando durante dous días unha serie de vídeos na Biblioteca. Moitos alumnos pasaron por ela para visionalos e para reflexionar sobre a tremenda lacra que é a violencia de xénero.

Un destes vídeos é "Mamás y Papás", que ten recibidos máis de 30 premios.

Fainos pensar na normalidade con que unha cativa ve ás continuas agresións do seu pai á súa nai. Ista visión deformada da realidade leva á pequena a desenvolver un xogo "inocente", sen malicia, pero tremendo, que en realidade é o que máis intimida ao espectador.

Mamás Y Papás - Mummies & Daddies (2008) - Click here for funny video clips

Un salvaxe entre lobos

2010-11-22T20:37:00.009+01:00

O próximo 26 de novembro estrearase Entre lobos do director Gerardo Olivares. A película está baseada na historia real de Marcos, un neno que, na época da posguerra, foi vendido polo seu pai a un gandeiro para coidar cabras e ovellas na serranía de Córdoba. Tras a morte do pastor, Marcos aprenderá a sobrevivir no monte sen ter contacto con ningún ser humano e converterá a unha manada de lobos na súa única familia. Aos vinte anos é descuberto pola Garda Civil e conducido a un convento para ser reeducado. Actualmente Marcos ten sesenta e catro anos e vive nunha aldea de Ourense.

Probablemente tamén o autor catalán Antonio García Llorca inspirouse neste personaxe para escribir O salvaxe. García Llorca narra a historia de Bernabé vendido polo seu pai a un pastor chamado Polifemo. Bernabé vivirá durante doce anos illado da civilización sen máis compañía que a dos animais. Pero o seu auténtico calvario comezará cando intenten reintegralo a unha sociedade á que nin pertence nin comprende.

Un libro cheo de tenrura a pesar da crueza da historia e que nos evoca pasaxes da Odisea de Homero. O salvaxe, galardoado co Premio Angular 2009, impactarache e non che deixará indiferente.

Día Internacional para a Eliminación da Violencia de Xénero

2010-11-22T12:30:00.015+01:00

A comunidade educativa do IES Leiras Pulpeiro quere denunciar esta terrible lacra social.

Gustaríanos que a mocidade tomase conciencia para non reproducir condutas violentas nin como vitimas nin como verdugos.

O alumnado de 2º de Bac reflexionou sobre a violencia de xénero despois da lectura de "A ESENCIA DA CIDADE" escrito por María Reimóndez do libro "Camiñan descalzas polas rochas". Autoras polos dereitos humanos das mulleres. Amnistía Internacional. Tris Tram edicións.

Ódiame por non ser perfecta,
mátame con máis caricias sen amor
que tan só demostran a túa covardía
impregnada en palabras cínicas.

Aquela tarde de chuvia
que nos resgardamos da treboada
queda xa tan lonxana…
Aquela excursión a Santiago
cando nos bicamos por primeria vez.
Está xa olvidada?

Maria Puta é o meu nome,
Puta por non ser a escrava dun home,
unha puta máis do cabaré
da infamia na que estamos.

Mais a única puta é esta sociedade.
Dous anos no inferno,
dous anos de dor,
dous anos de temor,
moitos máis de soidade
e depresión.

Baixo os muros desta cidade
atópanse as miñas bágoas,
as miñas penas,
os meus rogos…

A memoria é un vestixio,
un retal de seda fina
que só caduca coa morte,
e tras tantas crises e tantos choros;
sigo sen saber o por qué.

David G. Boyero.2º BAC

Pediume perdón,
deume unha labazada
pero pediume perdón.

Cun bico
curoume a ferida da cara,
cun sorriso
a do corazón.

Díxome que me quería.
Chamoume puta, pero
díxome que me quería.

Cunha caricia
limpoume as bágoas.
Cunha aperta
tranquilizoume o corazón.

Os seus bicos frecuentes,
os seus sorrisos diarios.
As bágoas
ao primeiro eran poucas.
As apertas
remataron sendo as boas noites.

Agora non me pide perdón,
nin me di que me quere.
O último foi a saída do inferno
Para chegar a unha vida mellor.

Lara María Adán. 2º BAC

A violencia de xénero é un mecanismo socialmente aceptado e tolerado para perpetuar a subordinación sobre o sexo feminino, no cal o uso da forza e o abuso de poder é considerado un patrimonio xenérico do sexo masculino. Isto é algo que un número elevado de mulleres teñen que soportar diariamente e que en moitos casos acaban asumindo como algo normal, acabando fatalmente nos casos máis graves coa morte da muller a mans do home. ..pero en moitos casos non son cnscientes do que lles ocorre a elas, mais tamén o resto da sociedade ten que axudalas a superalo e a que recueren a súa ida

Laura Fariñas Taboada. 2º Bac

A protagonista a través da observación das dúas cidades (Lugo e Vigo) encontra similitudes co propio contido da vida. Tales como que existen cousas feas e inxustas (como os edificios que parecen colmeas) ou a beleza que fai chegar á protagonista á conc lusión de que a loita por sonseguir o fermoso é o propio motor da vida
Non estamos sós, vivimos en sociedade e o que ca un de nós fai, impórtanos a todos.

Carolina Isabel Fernández Lago. 2º BAC.

...Outro culpable é a sociedade porque dende sempe considerou a a muller inferior, feito que á maioría dos moszos de hoxe en día costa entender. Porque polo feito de ser muller, ten que ser unha persoa inferior? Deixo a pregunta no aire porque eu non atopo a resposta. Poderiamos seguir na procura de responsables, pero no serve de moito, o verdadeiro responsable é o agresor..

Sergio Lage

Que leva a un maltratador a decidir que unha persoa pasa de ser iso, unha persoa, a un obxecto que pode dominar? Non entendo o irracional, o salvaxe que pode chegar a ser o estúìdo "xénero humano". Somos máis agresivos que os propios animais, eles non torturan , non abusan e non destrozan a vida doutro por pracer.

Eu persoalmlente, sinto non ser imparcial, pero son unha muller e estou moi farta de ver e sufrir actos que non comprendo e que nunca poderán ser xustificables. Para min tamén son culpables factores como a escravitude, mesmo a sexual, en pleno século XXI....

Yanira Núñez. 2º BAC

A violencia de xénro pódese dar de varias maneiras, mediante insultos e golpes ou acoso, por exemplo cando María rompeu con Carlos, aínda que non estivesenxuntos, el seguía vixiándoa...

O que si sei é que María fixo ben en seguir loitando polo seu futuro, porque ela non tiña que seguir aguantando un calvario así. E a partir desta experiencia aprendeu moitas cousas e entendeunas. Unha muller non é un ser inferior ao home, somos iguais.

Esther Marqués 2º BAC

A violencia de xénero está asociada ao machismo, ata hai relativamente pouco o home era xonsiderado superior á muller, e algúns exercian esta superioridade sobre ela a base de golpes...

O gran inconceniente na solució ao maltrato é que moitas vítimas non denuncian o abuso que sofren. Algunhas persoas néganse a falar prisioneiras de dependencia do seu maltratador, isto actúa como unha venda que lles tapa os ollos e que lles impide ver do que realmente son vítimas. O medo é outra causa do silencio.

María García. 2º BAC

O relato "A esencia da cidade" falamos dunha rapaza da nosa sociedade que un día cando ía pola rúa cara ó seu instituto viu escrito nunha parede "María, puta". Ela sentiuse moi mal (xa que o seu nome era tan común que tiña vergoña do que dixera a xente). Esta rapaza tiña un mozo que o máis popular do instituto. Ao principio era a mello persoa do mundo pero despois converteuse nunha sombra para ela xa que lle tiña que pedir consentimento para moitas cousas. Ademais disto pasaba pola penuria da violencia porque el lle pegaba e a insultaba.

Nazaret Real. 2º BAC

Escoitade esta canción de ORISHAS como tributo á "muller"

CENTENARIO DA MORTE DE TOLSTÓI

2010-11-20T19:26:00.011+01:00

O 20 de novembro cúmprense cen anos da morte do novelista ruso León Tolstói, un dos máis eminentes autores de narrativa realista de todos os tempos As súas obras máis famosas Guerra e Paz (1869) e Anna Karenina (1877) están consideradas as novelas máis importantes da historia da literatura universal.

Guerra e Paz, unha das obras mestras do realismo, é unha visión épica da sociedade rusa entre 1805 e 1815, xusto antes da invasión napoleónica.

Ana Karenina constitúe unha das mellores novelas psicolóxicas da literatura moderna. A protagonista non logra resolver os seus conflitos internos ocasionados pola paixón adúltera que sente polo mozo oficinista Vronsky.

O Equipo da Biblioteca anímache a ler Anna Karenina ou a gozar vendo a película baseada na novela Guerra e Paz. Tanto o libro como o DVD poderás atopalos entre os fondos da nosa biblioteca.

O segredo da felicidade non é facer sempre o que se quere senón querer sempre o que se fai. (León Tolstói)

Libros e Tarta de Guitiriz

2010-11-18T19:54:00.014+01:00

O martes 16 de novembro,xuntámonos para comenta-los primeiros libros deste curso e de paso dar conta dunha sabrosa tarta de Guitiriz.

O grupo de 1º comentou con Marina "El curso en que me enamoré de ti".

Natalia comentou co grupo de 2º: "Manual de instruccións para querer a Irene"

3º e 4º con Folgar e Juncal: " El curioso incidente del perro a medianoche"

A praia dos afogados

2010-11-17T23:55:00.004+01:00

Excursión a Panxón

O Xoves 4 de novembro os alumnos e as alumnas de 4º da ESO asistimos a unha actividade cultural en Panxón con motivo da lectura do libro “A praia dos afogados”. A actividade foi organizada pola editorial Galaxia que contratou a unha actriz e a un experto en natureza marítima.
Fomos catro institutos de Galicia pero ó chegar alí dividíronnos en dous grupos. Con nós veu o instituto de Cambre. Unha vez chegado a Panxón fomos ata a praia da Madorra, onde apareceu o corpo de Xusto Castelo, alí esperábanos unha actriz galega de Lugo que interactuou connosco sacando algúns compañeiros a facer dos protagonistas do libro. Con ela tamén fomos ata o Templo Votivo do mar, construído por Palacios en 1920. Alí pediron a colaboración de dous compañeiros para interpretar ó párroco e ao médico da vila. Despois de falarnos del puidemos entrar a velo. O templo era fermoso e era do estilo do arquitecto catalán Gaudi, máximo representante do estilo naturalista. Ao lado do templo conservábase o arco visigótico, da antiga igrexa e moi estraño en Galicia.
Posteriormente fomos a Monte Ferro. Alí esperábanos o experto, Xosé Lois Vilar, en natureza marítima para ensinarnos un monolito e tamén nos falou dos tipos de pesca e da xeografía do mar, ó final chegamos o lugar onde se atopara o barco de Xusto Castelo.
Finalmente volvemos cara o bus que nos volveu a levar a vila de Panxón e déronnos tempo para comer e visitar a vila.

Fernández López, Andrea 4ºB
Capón Lamelas, Nerea 4ºB
Cela Dablanca, Raquel 4ºB
Cruz Afonso, Carla 4ºB
García Miguelez, Alba 4ºB

O Departamento de L.Galega recomenda...

2010-11-15T22:00:00.008+01:00

A praia dos afogados - Domingo Villar ( Vigo,1971)

Nunha praia de Panxón, na ría de Vigo, aparece o cadáver dun mariñeiro coas mans atadas cunha brida de plástico. Os veciños falan dun suicidio, mais as primeiras investigacións amosan unha realidade diferente que levará o inspector Leo Caldas a mergullarse no ambiente mariñeiro da vila, nun universo onde o vento funga historias de naufraxios e de heroes que venceron o mar.

Domingo Villar volve introducir o lector nunha intriga sen acougo. Unha pescuda policial que, en A praia dos afogados, tamén é unha esculca na memoria e nas ilusións.

Historias Peregrinas

2010-11-15T21:14:00.006+01:00

O derradeiro 28 de outubro, o alumnado de 1º de BAC do instituto acudimos ó Salón Teatro de Santiago de Compostela con motivo de ver á compañía-“Teatro do Noroeste “- representar unha das súas obras: “Historias peregrinas”.

Historias Peregrinas

é unha comedia de Miguel Anxo Murado- agora representada polo “Teatro do Noroeste”- que fala das aparencias.

Nesta comedia un grupo de cómicos recorre o camiño de Santiago representando Danzas da morte e ás veces algún, Auto Sacramental. A causa dunha mala edición do Códice Calixtino. estes pérdense no bosque. Alí xorden moitas das cuestións salientables da obra: a aparencia das persoas, a razón de ser, a realidade etc.

Na miña opinión, esta obra merécese que a vexades, xa que está dotada dun gran humor e evita o aburrimento dos espectadores en calquera parte da representación.

David Castrodá Copa
1º BAC C

Camiñan descalzas polas rochas

2010-11-09T20:58:00.005+01:00

Para ir facendo boca.
!Merece a pena que leades o libro!

Camiñan descalzas polas rochas,
fantasmas de sal habitan as sombras,
saben que as últimas mareas
esqueceron na praia os restos do naufragio.
As mulleres recollen cada noite
os tesouros de auga, líquidos e fráxiles,
rebélanse contra a Historia,
constrúen co mar as estatuas
que nunca permanezan.
As mulleres de sal, con sargazos de sombras,
xorden das últimas mareas
e tecen tesouros de auga cada noite
contra a Historia.
Elas, que saben que o efémero permanece.

(Ana Romaní)

Eduardo Mendoza

2010-11-09T20:31:00.003+01:00

¿ Todavía no leíste nada del flamante Premio Planeta 2010?

Aún estás a tiempo de coger uno de los ejemplares que quedan en la exposición.

Libros y obras de Eduardo Mendoza
• Riña de gatos. Madrid 1936
• Tres vidas de santos
• El asombroso viaje de Pomponio Flato
• Mauricio o las elecciones primarias
• El último trayecto de Horacio Dos
• La aventura del tocador de señoras
• Una comedia ligera
• El año del diluvio
• Sin noticias de Gurb
• La isla inaudita
• La ciudad de los prodigios
• El laberinto de las aceitunas
• El misterio de la cripta embrujada
• La verdad sobre el Caso Savolta

Libro mes de Novembro

2010-11-07T19:32:00.004+01:00

O próximo 25 de novembro celébrase o Día Internacional da eliminación da Violencia contra a Muller.

Para ir preparando as actividades que celebraremos ese día dende Biblioleiras recomendamos esta lectura.

A violencia sexual, o maltrato de xénero, os abusos sexuais nos conflitos armados ou a violación como arma de guerra, son algunhas das temáticas que abordan os relatos de Camiñan descalzas polas rochas, un volume co que AI quere resaltar a universalidade dos abusos dos dereitos humanos das mulleres, cuxa raíz é a discriminación, pero á vez, quere destacar tamén o papel activo destas como axentes de cambio e defensoras de dereitos.

Celebración Día da Biblioteca

2010-11-02T21:19:00.001+01:00

Imaxenes do Día da Biblioteca (25 de Outubro)
Se vos gustou a curtametraxe María y yo e a queredes ver enteira témola a vosa disposición.

La Biblioburro

2010-10-25T23:41:00.002+02:00

! Que sorte tivemos de nacer deste lado do charco!

Celebración

2010-10-21T12:19:00.003+02:00

Fernando Lalana

2010-10-21T00:28:00.003+02:00

¿ Recordáis? Estuvo con nosotros el curso pasado.
Cariñoso,sincero,entretenido,ameno... fueron algunos de los adjetivos que empleasteis.

Acaba de hacerse público que el jurado de la XIV Edición del Premio Cervantes Chico, decidió por unanimidad conceder el galardón de este año a FERNANDO LALANA

"Sinceramente, ya no me queda nada por ganar. Me faltarían los premios literarios para adultos pero no tengo ninguna intención de abandonar el género infantil y juvenil. Si cae alguna cosa más, mejor, pero ya estoy muy satisfecho de la suerte que he tenido y de poder poner la literatura aragonesa en boca de todo el mundo". El escritor aragonés Fernando Lalana recibió ayer el premio Cervantes Chico de manos de la Princesa de Asturias, Letizia Ortiz, en un acto celebrado en el teatro de Alcalá de Henares, al que también asistieron la Ministra de Cultura, Ángeles González-Sinde y el viceconsejero de la Comunidad de Madrid, Ignacio González. ( 20-10-10)

Rumbo a...

2010-10-20T23:59:00.004+02:00

Non sei onde chegaremos,pero o xoves 14 de outubro iniciamos unha nova "singradura".

Demoslles a benvida a 15 novos "mariñeiros" que se soben por vez primeira a "nave" "Lecturas Leirantes"

!Esto marcha ben! !Cada novo curso somos mais!

Disfrutemos da "travesía" que imos facer xuntos.

Este mes leremos: El curso que me enamoré de tí - Blanca Álvarez 1º ESO

Manual de instruccións para querer a Irene - Carlos Mosteiro 2º ESO

El curioso incidente del perro a medianoche - Marh Haddón 3º e 4º ESO

!!!Benvidos a bordo novos e veteranos!!!

VARGAS LLOSA, PREMIO NOBEL 2010

2010-10-20T10:05:00.014+02:00

VARGAS LLOSA acaba de recibir el Premio Nobel de Literatura de 1910. Este peruano universal es uno de los autores más importantes del llamado "boom" de la literatura hispanoamericana.

Desde La ciudad y los perros (obra que le hizo famoso y por la que recibió el Premio de la Crítica y el Biblioteca Breve en 1963) hasta la actualidad, ha escrito numerosas novelas, relatos y cultivado todos los géneros (teatro, ensayo, memorias...) Posee importantes premios como el Planeta, Príncipe de Asturias o el Cervantes. Todo ello le hacía candidato al Nobel, que les llegó antes a García Márquez y a Octavio Paz, así que ya tocaba.

Vargas LLosa es autor, además de la obra citada, de libros inolvidables como Los Cachorros, Pantaleón y las visitadoras, La casa verde, Conversación en la catedral, La tía Julia y el escribidor, y tantas otras, en las cuales explora diversas e innovadoras técnicas narrativas, y, a la vez, crea universos perfectamente creíbles, en los que impera el humor, la ironía, la visión de mundos míticos aparentemente contrapuestos a la "civilización" y que integran la naturaleza con toda su sensualidad y belleza, mucho más que las sociedades actuales. Así es comprensible un personaje como el capitán Pantaleón Pantoja y sus divertidísimos "partes" militares sobre la "misión secreta" que le encomiendan organizar en la selva amazónica. También el dramatismo de la marginación de un muchacho en "Los Cachorros", el amor entre personajes reales (él mismo en"La tía Julia ..." o Flora Tristán y Paul Gauguin en "El paraíso en la otra esquina"); la fuerte carga crítica de "La ciudad y los perros" (ambientada en un colegio militar limeño)...

Pero hay otra faceta que quiero destacar y es el análisis de su papel de escritor o "escribidor" como le gusta llamarse, que aparece en El hablador y especialmente en Cartas a un joven novelista. En ella hace una reflexión autocrítica sobre la vocación, el éxito y la "limpieza" de su oficio. Pero alude también a sus modelos y autores admirados: Faulkner, Hemingway, Malraux, Dos Passos, Camus, Sartre. En palabras suyas: "Muchas veces se me pasó por la cabeza la idea de escribir a alguno de ellos (todos estaban vivos entonces) y pedirle una orientación sobre como ser un escritor. Nunca me atreví a hacerlo, por timidez..."

Y continúa con otros muchos ejemplos: Borges, Cortázar, Calvino, Rulfo, Kafka, García Márquez, Carpentier, entre otros. Sólo con sequir su consejo tenemos un ambicioso y sugestivo plan de lectura . ¡Adelante!

Reme . Departamento de Lengua Castellana.

El comic

2010-10-19T12:26:00.008+02:00

ÚLTIMOS DÍAS
Todavía estáis a tiempo de ver la exposición de comics y libros de imágenes en nuestra Biblioteca.
Algunos títulos:
As serpes cegas
Emigrantes
Maus
A mansión dos Pampin
Persépolis
La fuga ...